ನವದೆಹಲಿ : ದಸರಾ, ದೀಪಾವಳಿ ಹಬ್ಬದ ಪ್ರಯುಕ್ತ ಅಮೆಜಾನ್ ಗ್ರೇಟ್ ಇಂಡಿಯನ್ ಫೆಸ್ಟಿವಲ್ ಸೇಲ್ ನ್ನು ಮತ್ತೆ ಪ್ರಾರಂಭಿಸಲು ಮುಂದಾಗಿದ್ದು, ವಸ್ತುಗಳ ಮೇಲೆ ಭಾರೀ ಡಿಸ್ಕೌಂಟ್ ನೀಡುತ್ತಿದೆ.
ದಸರಾ, ದೀಪಾವಳಿ ಹಬ್ಬದ ಪ್ರಯುಕ್ತ ಸೆಪ್ಟಂಬರ್ 29 ರಿಂದ ಅಕ್ಟೋಬರ್ 4ರವರೆಗೆ ಗ್ರೇಟ್ ಇಂಡಿಯನ್ ಫೆಸ್ಟಿವಲ್ ಸೇಲ್ ನ್ನುನಡೆಸಿದ ಅಮೆಜಾನ್ ಇದೀಗ ತಿಂಗಳಾಂತ್ಯದಲ್ಲಿ ದೀಪಾವಳಿ ಹಬ್ಬ ಇರುವುದರಿಂದ ಇದೀಗ ಮತ್ತೆ ಅಕ್ಟೋಬರ್ 13-17ರವರೆಗೆ ಈ ಸೇಲ್ ನಡೆಸಲು ನಿರ್ಧಾರ ಮಾಡಿದೆ.
ಈ ಬಾರಿ ಐಸಿಐಸಿಐ ಬ್ಯಾಂಕ್ ಕ್ರೆಡಿಟ್ ಹಾಗೂ ಡೆಬಿಟ್ ಕಾರ್ಡ್ ಬಳಕೆದಾರರಿಗೆ ಹೆಚ್ಚುವರಿ ರಿಯಾಯತಿ ಸಿಗಲಿದೆ. ಡೆಬಿಟ್ ಕಾರ್ಡ್ಗಳ ಮೇಲೆ ಯಾವುದೇ ಇಎಂಐ ಇರುವುದಿಲ್ಲ. ಪ್ರೈಮ್ ಸದಸ್ಯರಿಗೆ ಅಕ್ಟೋಬರ್ 12ರಿಂದಲೇ ಸೇಲ್ ಆರಂಭಗೊಳ್ಳಲಿದೆ. ಒನ್ಪ್ಲಸ್ 7ಟಿ, ಸ್ಯಾಮ್ಸಂಗ್ ಎಂ30ಎಸ್ ಮತ್ತು ವಿವೋ ಯು10 ಸೇರಿ ಅನೇಕ ಮೊಬೈಲ್ ಗಳ ಮೇಲೆ ಶೇ.40, ಟಿವಿ ಹಾಗೂ ಮನೆ ಬಳಕೆ ವಸ್ತುಗಳ ಬೆಲೆ ಮೇಲೆ ಶೇ.60 ರಿಯಾಯಿತಿ ಸಿಗಲಿದೆ. ಇದರ ಜೊತೆಗೆ ಇನ್ನೂ ಹಲವು ವಸ್ತುಗಳ ಮೇಲೆ ಭಾರೀ ಡಿಸ್ಕೌಂಟ್ ಸಿಗಲಿದೆ.