ಮುಂಬೈ: ಕೊರೋನಾ ಕಾರಣದಿಂದಾಗಿ ಐಪಿಎಲ್ 14 ರನ್ನು ಅರ್ಧದಲ್ಲಿಯೇ ಮುಂದೂಡಿಕೆ ಮಾಡಲಾಗಿದೆ. ಆದರೆ ಈಗ ಉಳಿದ ಪಂದ್ಯಗಳನ್ನು ಯಾವಾಗ ನಡೆಸುತ್ತಾರೆ ಎಂಬ ಪ್ರಶ್ನೆ ಎದ್ದಿದೆ.
ಎಲ್ಲಾ ಕ್ರಿಕೆಟಿಂಗ್ ರಾಷ್ಟ್ರಗಳ ವೇಳಾಪಟ್ಟಿಯೂ ಮುಂದಿನ ದಿನಗಳಲ್ಲಿ ಬ್ಯುಸಿಯಾಗಿದೆ. ಅದರಲ್ಲೂ ಭಾರತವಂತೂ ಟೆಸ್ಟ್ ಚಾಂಪಿಯನ್ ಶಿಪ್, ಟಿ20 ವಿಶ್ವಕಪ್ ಎಂದು ಬಿಡುವಿಲ್ಲದ ಕ್ರಿಕೆಟ್ ಆಡಬೇಕಿದೆ.
ಇದರ ನಡುವೆ ಐಪಿಎಲ್ ಉಳಿದ ಪಂದ್ಯ ನಡೆಸಲು ಸಮಯ ಹೊಂದಿಸುವುದು ಹೇಗೆ ಎಂಬ ಪ್ರಶ್ನೆ ಎದ್ದಿದೆ. ಈ ವರ್ಷವೇ ಐಪಿಎಲ್ 14 ರನ್ನು ಸಮಾಪ್ತಿಗೊಳಿಸಬೇಕೆಂದರೆ ಬಿಸಿಸಿಐ ಉಳಿದ ಪಂದ್ಯಗಳಲ್ಲಿ ಕಡಿತ ಮಾಡಬೇಕಾಗಬಹುದು. ಆಗ ಅಂಕಗಳ ಲೆಕ್ಕಾಚಾರಗಳು ಬದಲಾಗಬಹುದು. ಆದರೆ ಸಮಯ ಯಾವಾಗ ಎನ್ನುವುದು ದೊಡ್ಡ ತಲೆನೋವಾಗಲಿದೆ.
