ಹೈದರಾಬಾದ್: ದೇಶದೆಲ್ಲೆಡೆ ಕೊರೋನಾ ತಲ್ಲಣ ಸೃಷ್ಟಿಸುತ್ತಿದ್ದರೆ ಐಪಿಎಲ್ 14 ಮಾತ್ರ ನಿರಾತಂಕವಾಗಿ ಸಾಗುತ್ತಿದೆ. ಈ ನಡುವೆ ಸನ್ ರೈಸರ್ಸ್ ಹೈದರಾಬಾದ್ ಕ್ರಿಕೆಟಿಗರು ಕೊರೋನಾ ವಿರುದ್ಧ ಕಾಂಪೈನ್ ಮಾಡಿದ್ದಾರೆ.
ಕೊರೋನಾ ಹೆಚ್ಚುತ್ತಿರುವ ಹಿನ್ನಲೆಯಲ್ಲಿ ಸಾಮಾಜಿಕ ಜಾಲತಾಣದಲ್ಲಿ ಹೈದರಾಬಾದ್ ಕ್ರಿಕೆಟಿಗರು ಮನೆಯಲ್ಲಿಯೇ ಸುರಕ್ಷಿತವಾಗಿರಿ ಎಂದು ವಿಡಿಯೋ ಮೂಲಕ ಮನವಿ ಮಾಡಿದ್ದಾರೆ.
ಕನ್ನಡಿಗ ಮನೀಶ್ ಪಾಂಡೆಯಿಂದ ತೊಡಗುವ ವಿಡಿಯೋದಲ್ಲಿ ಜಾನಿ ಬೇರ್ ಸ್ಟೋ, ಜೇಸನ್ ಹೋಲ್ಡರ್, ವಿಜಯ್ ಶಂಕರ್, ಡೇವಿಡ್ ವಾರ್ನರ್ ಮತ್ತು ಕೇನ್ ವಿಲಿಯಮ್ಸ್ ಕೂಡಾ ಭಾಗಿಯಾಗಿ ಸಂದೇಶ ನೀಡಿದ್ದಾರೆ. ನಿಮ್ಮ ಜೊತೆಗೆ ನಾವಿದ್ದೇವೆ. ಮನೆಯಲ್ಲಿಯೇ ಇದ್ದು ಸುರಕ್ಷಿತವಾಗಿರಿ ಎಂದು ಕ್ರಿಕೆಟಿಗರು ಸಂದೇಶ ನೀಡಿದ್ದಾರೆ.
