ದುಬೈ: ಕೆಎಲ್ ರಾಹುಲ್ ನೇತೃತ್ವದ ಕಿಂಗ್ಸ್ ಪಂಜಾಬ್ ತಂಡ ತನ್ನ ಹಳೆಯ ಚಾಳಿಯನ್ನೇ ಐಪಿಎಲ್ 14 ರ ಎರಡನೇ ಹಂತದಲ್ಲೂ ಮುಂದುವರಿಸಿದೆ.
ನಿನ್ನೆ ನಡೆದ ರಾಜಸ್ಥಾನ್ ರಾಯಲ್ಸ್ ವಿರುದ್ಧದ ಪಂದ್ಯದಲ್ಲಿ ಕೇವಲ 2 ರನ್ ಗಳಿಂದ ಪಂದ್ಯ ಸೋತಿದೆ. ಇದಕ್ಕೂ ಮೊದಲೂ ಹಲವು ಬಾರಿ ಇದೇ ರೀತಿ ಗೆಲ್ಲಬೇಕಿದ್ದ ಪಂದ್ಯವನ್ನು ಕೊನೆಯ ಕ್ಷಣದಲ್ಲಿ ಪಂಜಾಬ್ ಸೋತ ನಿದರ್ಶನಗಳಿವೆ. ಈಗ ಮತ್ತೆ ಅದೇ ಚಾಳಿ ಮುಂದುವರಿಸಿದೆ.
ಮೊದಲು ಬ್ಯಾಟಿಂಗ್ ಮಾಡಿದ ರಾಜಸ್ಥಾನ್ 20 ಓವರ್ ಗಳಲ್ಲಿ 185 ರನ್ ಗಳಿಗೆ ಆಲೌಟ್ ಆಯಿತು. ಯಶಸ್ವಿ ಜೈಸ್ವಾಲ್ 46,ಲೊಮ್ರಾರ್ 17 ಎಸೆತಗಳಿಂದ 43 ರನ್ ಗಳಿಸಿ ಮಿಂಚಿದರು. ಇದಕ್ಕೆ ಉತ್ತರವಾಗಿ ಬ್ಯಾಟಿಂಗ್ ಆರಂಭಿಸಿದ ಪಂಜಾಬ್ ಆರಂಭಿಕ ವಿಕೆಟ್ ಗೆ 120 ರನ್ ಒಟ್ಟುಗೂಡಿಸಿ ಅದ್ಭುತ ಆರಂಭ ಪಡೆಯಿತು. ನಾಯಕ ರಾಹುಲ್ 49, ಮಯಾಂಕ್ ಅಗರ್ವಾಲ್ 67 ರನ್ ಸಿಡಿಸಿದರು. ಇವರಿಬ್ಬರು ಔಟಾದ ಬಳಿಕ ಒತ್ತಡ ನಿಭಾಯಿಸಲಾಗದೇ ಪಂಜಾಬ್ 20 ಓವರ್ ಗಳಲ್ಲಿ 4 ವಿಕೆಟ್ ನಷ್ಟಕ್ಕೆ 183 ರನ್ ಗಳಿಸಿ ಕೇವಲ 2 ರನ್ ಗಳಿಂದ ಸೋಲು ಅನುಭವಿಸಿತು.
