Publish Date: Sat, 28 May 2022 (09:10 IST)
Updated Date: Sat, 28 May 2022 (09:19 IST)
ಅಹಮ್ಮದಾಬಾದ್: ಒಂದೇ ಐಪಿಎಲ್ ನಲ್ಲಿ ಗರಿಷ್ಠ ಶತಕ ದಾಖಲಿಸಿದ ದಾಖಲೆ ಜೋಸ್ ಬಟ್ಲರ್ ಪಾಲಾದರೆ, ಒಂದೇ ಐಪಿಎಲ್ ನಲ್ಲಿ ಗರಿಷ್ಠ ಸಿಕ್ಸರ್ ನೀಡಿದ ಕುಖ್ಯಾತಿ ಆರ್ ಸಿಬಿ ವೇಗಿ ಮೊಹಮ್ಮದ್ ಸಿರಾಜ್ ರದ್ದಾಗಿದೆ.
ನಿನ್ನೆ ನಡೆದ ಕ್ವಾಲಿಫೈಯರ್ ಪಂದ್ಯದಲ್ಲಿ ರಾಜಸ್ಥಾನ್ ರಾಯಲ್ಸ್ ತಂಡದ ಜೋಸ್ ಬಟ್ಲರ್ ಮತ್ತೊಂದು ಶತಕ ಸಿಡಿಸಿದರು. ಇದರೊಂದಿಗೆ ಈ ಐಪಿಎಲ್ ನಲ್ಲಿ ಅವರು 4 ಶತಕ ಸಿಡಿಸಿದರು. ಐಪಿಎಲ್ ಇತಿಹಾಸದಲ್ಲೇ ಓರ್ವ ಬ್ಯಾಟಿಗ ಒಂದೇ ಕೂಟದಲ್ಲಿ 4 ಶತಕ ಸಿಡಿಸಿದ್ದು ಇದೇ ಮೊದಲು.
ಇನ್ನು, ಆರ್ ಸಿಬಿ ವೇಗಿ ಮೊಹಮ್ಮದ್ ಸಿರಾಜ್ ಒಂದೇ ಐಪಿಎಲ್ ನಲ್ಲಿ ತಮ್ಮ ಬೌಲಿಂಗ್ ನಲ್ಲಿ 30 ಸಿಕ್ಸರ್ ಚಚ್ಚಿಸಿಕೊಂಡರು. ಈ ಮೂಲಕ ಬೇಡದ ದಾಖಲೆ ತಮ್ಮ ಹೆಸರಿಗೆ ಬರೆದುಕೊಂಡರು.