ಐಪಿಎಲ್ ಮೈದಾನದ ಬಗ್ಗೆ ಪಂಜಾಬ್ ತಂಡದ ಅಸಮಾಧಾನ

ಮುಂಬೈ: ಐಪಿಎಲ್ 14 ರ ಪಂದ್ಯಗಳನ್ನು ಆಯೋಜಿಸುವ ಮೈದಾನಗಳ ಬಗ್ಗೆ ಐಪಿಎಲ್ ಫ್ರಾಂಚೈಸಿಗಳಲ್ಲಿ ಅಸಮಾಧಾನ ಉಂಟು ಮಾಡಿದೆ.

ಬಿಸಿಸಿಐ ಈಗ ಆರು ಮೈದಾನಗಳ ಪಟ್ಟಿಯನ್ನು ಅಂತಿಮಗೊಳಿಸಿದೆ. ಈ ಪೈಕಿ ಮೊಹಾಲಿ ಮತ್ತು ಹೈದರಾಬಾದ್ ಮೈದಾನಗಳನ್ನು ಕೈ ಬಿಡಲಾಗಿದೆ. ಇದು ಆ ಫ್ರಾಂಚೈಸಿಗಳ ಅಸಮಾಧಾನಕ್ಕೆ ಗುರಿಯಾಗಿದೆ. ಪಂಜಾಬ್ ಫ್ರಾಂಚೈಸಿಯಂತೂ ಬಿಸಿಸಿಐಗೆ ಪತ್ರ ಬರೆದು ತನ್ನ ಅಸಮಾಧಾನ ಹೊರಹಾಕಿದೆ. ರಾಜಸ್ಥಾನ್ ರಾಯಲ್ಸ್ ಮತ್ತು ಹೈದರಾಬಾದ್ ಕೂಡಾ ಬಿಸಿಸಿಐ ಮುಂದೆ ಅಸಮಾಧಾನ ತೋಡಿಕೊಂಡಿದೆ. ಇದೀಗ ಬಿಸಿಸಿಐ ಫ್ರಾಂಚೈಸಿಗಳನ್ನು ಹೇಗೆ ನಿಭಾಯಿಸುತ್ತದೆ ಎಂದು ಕಾದು ನೋಡಬೇಕಿದೆ.