ಮುಂಬೈ: ಐಪಿಎಲ್ 14 ರ ಉಳಿದ ಪಂದ್ಯಗಳನ್ನು ಸೆಪ್ಟೆಂಬರ್ ನಲ್ಲಿ ಯುಎಇನಲ್ಲಿ ನಡೆಸಲು ಬಿಸಿಸಿಐ ತೀರ್ಮಾನಿಸಿದೆ. ಜೊತೆಗೆ ವೇಳಾಪಟ್ಟಿಯನ್ನೂ ಸಿದ್ಧಪಡಿಸಿಕೊಂಡಿದೆ.
ಆದರೆ 25 ದಿನಗಳ ಕಾಲ ನಡೆಯಲಿರುವ ಈ ಬ್ಯುಸಿ ಶೆಡ್ಯೂಲ್ ನಲ್ಲಿ ವಿದೇಶೀ ಆಟಗಾರರು ಭಾಗವಹಿಸುತ್ತಾರೆ ಎಂಬುದೇ ಅನುಮಾನವಾಗಿದೆ. ಈಗಾಗಲೇ ಎಲ್ಲಾ ಕ್ರಿಕೆಟ್ ರಾಷ್ಟ್ರಗಳ ವೇಳಾಪಟ್ಟಿ ನಿಗದಿಯಾಗಿದೆ. ಇದರ ನಡುವೆ ಈ ಕಿರು ಅವಧಿಯಲ್ಲಿ ಐಪಿಎಲ್ ಆಡಲು ವಿದೇಶೀ ಆಟಗಾರರು ಬರುವುದು ಅನುಮಾನ.
ಈಗಾಗಲೇ ಬಿಸಿಸಿಐ ವಿದೇಶೀ ಕ್ರಿಕೆಟ್ ಮಂಡಳಿಗಳೊಂದಿಗೆ ಈ ಬಗ್ಗೆ ಮಾತುಕತೆ ನಡೆಸುತ್ತಿದೆಯಂತೆ. ಒಂದು ವೇಳೆ ವಿದೇಶೀ ಆಟಗಾರರು ಪಾಲ್ಗೊಂಡರೆ ಸಂತೋಷ. ಇಲ್ಲದೇ ಹೋದರೂ ಐಪಿಎಲ್ ಟೂರ್ನಿ ನಡೆಯುವುದು ಖಚಿತ. ಅರ್ಧಕ್ಕೇ ನಿಂತ ಟೂರ್ನಿಯನ್ನು ಪೂರ್ತಿ ಮಾಡುವುದೇ ಬಿಸಿಸಿಐ ಮುಂದಿರುವ ಸದ್ಯದ ಗುರಿ.
