ದುಬೈ: ಐಪಿಎಲ್ ಗೆ ಈಗಾಗಲೇ ಎಲ್ಲಾ ಫ‍್ರಾಂಚೈಸಿಗಳು ತಯಾರಿ ಆರಂಭಿಸಿವೆ. ಆದರೆ ಧೋನಿ ನೇತೃತ್ವದ ಚೆನ್ನೈ ಸೂಪರ್ ಕಿಂಗ್ಸ್ ತಂಡ ಈ ಬಾರಿ ಎಲ್ಲರಿಗಿಂತ ಮೊದಲು ಸಿದ್ಧತೆ ನಡೆಸುವ ಭರದಲ್ಲಿದೆ.
ಮೂಲಗಳ ಪ್ರಕಾರ ವಿಶೇಷ ವಿಮಾನದ ಮೂಲಕ ಧೋನಿ ನೇತೃತ್ವದ ಸಿಎಸ್ ಕೆ ಹುಡುಗರು ಆಗಸ್ಟ್ ಎರಡನೇ ವಾರದಲ್ಲೇ ಯುಎಇಗೆ ತೆರಳಲಿದ್ದಾರೆ ಎನ್ನಲಾಗಿದೆ.
ಯುಎಇನಲ್ಲೇ ಎಲ್ಲಾ ತಂಡಗಳು ತರಬೇತಿ ಕ್ಯಾಂಪ್ ಆಯೋಜಿಸುತ್ತಿವೆ. ಆದರೆ ಸಿಎಸ್ ಕೆ ತಂಡ ಮೊದಲನೆಯವರಾಗಿ ಅಲ್ಲಿಗೆ ತೆರಳಿ ಕ್ವಾರಂಟೈನ್ ಅವಧಿ ಮುಗಿಸಿ ಬಳಿಕ ತರಬೇತಿ ಆರಂಭಿಸುವ ಯೋಜನೆ ಹಾಕಿಕೊಂಡಿದೆ ಎನ್ನಲಾಗಿದೆ.
