ಧೋನಿ ಭಾರತಕ್ಕೆ ಬಂದ ಮೇಲೆ ಸಿಎಸ್ ಕೆ ಸೆಲೆಬ್ರೇಷನ್

ದುಬೈ: ನಾಲ್ಕನೇ ಬಾರಿಗೆ ಐಪಿಎಲ್ ಚಾಂಪಿಯನ್ ಆದ ಚೆನ್ನೈ ಸೂಪರ್ ಕಿಂಗ್ಸ್ ತಂಡ ಈ ಖುಷಿಯನ್ನು ತವರಿನಲ್ಲಿ ಆಚರಿಸಲು ನಿರ್ಧರಿಸಿದೆ.

ಆದರೆ ಧೋನಿ ಈಗ ಟೀಂ ಇಂಡಿಯಾದ ಟಿ20 ವಿಶ್ವಕಪ್ ತಂಡದ ಮೆಂಟರ್ ಆಗಿ ಕಾರ್ಯನಿರ್ವಹಿಸಲಿದ್ದಾರೆ. ಹೀಗಾಗಿ ಈಗಲೇ ಅವರು ಭಾರತಕ್ಕೆ ವಾಪಸ್ ಆಗುತ್ತಿಲ್ಲ.

ಹೀಗಾಗಿ ಧೋನಿ ಭಾರತಕ್ಕೆ ಮರಳಿದ ಮೇಲೆ ಸಿಎಸ್ ಕೆ ತಂಡ ತವರಿನಲ್ಲಿ ಭರ್ಜರಿಯಾಗಿ ಸಂಭ್ರಮಾಚರಿಸಲು ಯೋಜನೆ ರೂಪಿಸಿದೆ. ಎಂಎಸ್ ಇಲ್ಲದೇ ಸೆಲೆಬ್ರೇಷನ್ ಇಲ್ಲ. ಅವರು ಟೀಂ ಇಂಡಿಯಾ ಕರ್ತವ್ಯ ಮುಗಿಸಿ ಬರುವವರೆಗೆ ಕಾಯುತ್ತೇವೆ ಎಂದು ಸಿಎಸ್ ಕೆ ಸಿಇಒ ವಿಶ್ವನಾಥನ್ ಹೇಳಿದ್ದಾರೆ.