ಜೋಕ್ ಮಾಡಿದ ಸೆಹ್ವಾಗ್ ಗೆ ಸಿಎಸ್ ಕೆ ಫ್ಯಾನ್ಸ್ ತಿರುಗೇಟು

ದುಬೈ: ಮುಂಬೈ ಇಂಡಿಯನ್ಸ್ ವಿರುದ್ಧದ ಪಂದ್ಯದಲ್ಲಿ ಧೋನಿ ಪಡೆಯ ಬ್ಯಾಟಿಂಗ್ ಆರಂಭಿಕ ಕುಸಿತಕ್ಕೊಳಗಾಗಿತ್ತು. ಇದನ್ನು ನೋಡಿ ಮಾಜಿ ಕ್ರಿಕೆಟಿಗ ಸೆಹ್ವಾಗ್ ಸಿಎಸ್ ಕೆ ತಂಡವನ್ನು ಜೋಕ್ ಮಾಡಿದ್ದರು.

ರನ್ ಗಳಿಸುವುದಕ್ಕಿಂತ ವೇಗವಾಗಿ ವಿಕೆಟ್ ಉದುರುತ್ತಿರುವುದನ್ನು ನೋಡಿ ಸೆಹ್ವಾಗ್ ‘ಇದೇನು ಇಲ್ಲಿ ಕ್ರಿಕೆಟ್ ನಡೀತಾ ಇದೆಯಾ ಇಲ್ಲಾ ಹಾಕಿ ನಡೀತಿದ್ಯಾ?’ ಎಂದು ಜೋಕ್ ಮಾಡಿದ್ದರು.

ಇದು ಸಿಎಸ್ ಕೆ ಅಭಿಮಾನಿಗಳ ಆಕ್ರೋಶಕ್ಕೆ ಕಾರಣವಾಯಿತು. ಬಳಿಕ ಋತುರಾಜ್ ಗಾಯಕ್ ವಾಡ್ ಅದ್ಭುತ ಬ್ಯಾಟಿಂಗ್ ನಿಂದ ತಂಡ ಗೆದ್ದ ಮೇಲೆ ಅಭಿಮಾನಿಗಳು ಸೆಹ್ವಾಗ್ ಗೆ ತಿರುಗೇಟು ನೀಡಿದ್ದಾರೆ. ಕೆಲವೊಮ್ಮೆ ಕ್ರಿಕೆಟ್ ನ್ನೂ ಹಾಕಿಯಂತೆ ಆಡಬೇಕಾಗುತ್ತದೆ ಸರ್ ಎಂದು ಕೆಲವರು ಟಾಂಗ್ ಕೊಟ್ಟರೆ ಮತ್ತೆ ಕೆಲವರು ಇಂತಹ ಕಾಮೆಂಟ್ ಮಾಡಿ ನಿಮ್ಮ ಮೇಲಿನ ಗೌರವ ಕಳೆದುಕೊಳ್ಳಬೇಡಿ ಎಂದು ಆಕ್ರೋಶ ವ್ಯಕ್ತಪಡಿಸಿದ್ದಾರೆ.