ದುಬೈ: ಐಪಿಎಲ್ 13 ರ ಇಂದಿನ ಮೊದಲ ಪಂದ್ಯದಲ್ಲಿ ಕಿಂಗ್ಸ್ ಇಲೆವೆನ್ ಪಂಜಾಬ್ ಗೆ ಚೆನ್ನೈ ಸೂಪರ್ ಕಿಂಗ್ಸ್ ತಂಡ ಎದುರಾಳಿಯಾಗಿದೆ.
ಇಂದಿನ ಪಂದ್ಯ ಚೆನ್ನೈಗೆ ಔಪಚಾರಿಕವಾದರೂ, ಪ್ಲೇ ಆಫ್ ಹೊಸ್ತಿಲಲ್ಲಿರುವ ಕಿಂಗ್ಸ್ ಪಂಜಾಬ್ ಗೆ ತನ್ನ ಸ್ಥಾನ ಭದ್ರಪಡಿಸಿಕೊಳ್ಳಲು ವೇದಿಕೆಯಾಗಿದೆ. ಈ ಮೊದಲು ಎರಡೂ ತಂಡಗಳೂ ಮುಖಾಮುಖಿಯಾಗಿದ್ದಾಗ ಪಂಜಾಬ್ ಹೋರಾಡಿ ಕೊನೆಯಕ್ಷಣದಲ್ಲಿ ಸೋಲನುಭವಿಸಿತ್ತು. ಆ ಸೋಲಿಗೆ ಇಂದು ರಾಹುಲ್ ಪಡೆ ಸೇಡು ತೀರಿಸಿಕೊಳ್ಳುತ್ತಾ ಎಂದು ಕಾದುನೋಡಬೇಕಿದೆ. ಪಂದ್ಯ ಅಪರಾಹ್ನ 3.30 ಕ್ಕೆ ಆರಂಭವಾಗಲಿದೆ.
