ಅಮೇರಿಕಾ: ಸಾಮಾನ್ಯವಾಗಿ ಮದುವೆಗಳು ದೇವಸ್ಥಾನಗಳಲ್ಲಿ, ಮಂಟಪಗಳಲ್ಲಿ, ಚರ್ಚಗಳಲ್ಲಿ ನಡೆಯುತ್ತವೆ. ಆದರೆ ಅಮೇರಿಕಾದಲ್ಲಿ ಎಂಗೇಜ್ ಮೆಂಟ್ ಆದ ಯುವಕ ಯುವತಿ ಆಸ್ಪತ್ರೆಯೊಂದರಲ್ಲಿ ಮದುವೆಯಾಗಿದ್ದಾರೆ.
ಹೌದು. ಈಗಾಗಲೇ ಎಂಗೇಜ್ ಮೆಂಟ್ ಆದ ಇವರ ಮದುವೆಯು ಸೆಪ್ಟೆಂಬರ್ 21 ಕ್ಕೆ ನಿಗದಿಯಾಗಿತ್ತು. ಆದರೆ ಮದುವೆಯ ಹಿಂದಿನ ದಿನ ವರನ ತಂದೆ ಡಯಾಬಿಟಿಸ್ ಸಮಸ್ಯೆಯಿಂದ ಆಸ್ಪತ್ರೆಗೆ ದಾಖಲಾದರು. ಈ ಹಿನ್ನಲೆಯಲ್ಲಿ ತಂದೆಯಿಲ್ಲದೆ ಮದುವೆಯಾಗಲಾಗದೆ ಅವರ ಮದುವೆಯನ್ನು ಮುಂದೂಡಲಾಗಿತ್ತು. ಹೀಗೆ ಮೂರು ಬಾರಿ ಅವರ ಮದುವೆ ಮುಂದಕ್ಕೆ ಹೋಗಿದೆ.
ಹೀಗೆ ಪದೇ ಪದೇ ಮುಂದುಡುತ್ತಿರುವ ಮದುವೆಯಿಂದ ಬೇಸತ್ತ ಅವರು ತಂದೆ ದಾಖಲಾದ ಆಸ್ಪತ್ರೆಯಲ್ಲಿ ತಂದೆಯ ಸಮ್ಮಖದಲ್ಲಿಯೇ ವಿವಾಹವಾಗಿದ್ದಾರೆ. ಇವರಿಗೆ ಆಸ್ಪತ್ರೆಯ ವೈದ್ಯರು ಹಾಗೂ ಸಿಬ್ಬಂದಿಗಳು ಶುಭ ಹಾರೈಸಿದ್ದಾರೆ.
