ಗಾಯಗೊಂಡ ಬೀದಿನಾಯಿಯೊಂದು ಮೆಡಿಕಲ್ ಶಾಪ್ಗೆ ಬಂದು ಮಾಲೀಕನಿಗೆ ಚಿಕಿತ್ಸೆ ನೀಡುವಂತೆ ಕೋರಿದ ವಿಚಿತ್ರ ಘಟನೆಯ ವಿಡಿಯೋ ವೈರಲ್ ಆಗಿದೆ.
ಇಸ್ತಾನ್‌ಬುಲ್‌ನಲ್ಲಿ ಬಾನು ಝೇಂಗಿಸ್ ಮೆಡಿಕಲ್ ಶಾಪ್ ನಡೆಸುತ್ತಿದ್ದು ಪ್ರಾಣಿಪ್ರಿಯರಾಗಿದ್ದಾರೆ. ಇಂದು ಮಧ್ಯಾಹ್ನ ಬೀದಿನಾಯಿಯೊಂದು ಮೆಡಿಕಲ್ ಶಾಪ್ ಪ್ರವೇಶಿಸಿ, ಮಾಲೀಕನ ಮುಂದೆ ಗಾಯಗೊಂಡ ಕಾಲನ್ನು ತೋರಿಸಿದೆ. ಕೂಡಲೇ ಮಾಲೀಕ ಏನಾದರೂ ಸಮಸ್ಯೆ ಇದೆಯೇ ಎಂದು ಕೇಳಿದಾಗ ಹೌದು ಎನ್ನುವಂತೆ ತಲೆಯಾಡಿಸಿದೆ. ರಕ್ತ ಹರಿಯುತ್ತಿದ್ದ ಕಾಲು ನೋಡಿದ ಮಾಲೀಕ ಕೂಡಲೇ ಚಿಕಿತ್ಸೆ ನೀಡಿದ್ದಾನೆ.
ಮೆಡಿಕಲ್ ಶಾಪ್ ಮಾಲೀಕ ಬಾನು ಝೇಂಗಿಸ್ ಘಟನೆಯ ಬಗ್ಗೆ ವಿಡಿಯೋ ಬಿಡುಗಡೆಗೊಳಿಸಿದ್ದು, ಮಾಲೀಕ ಚಿಕಿತ್ಸೆ ನೀಡಿದ ನಂತರ ಧನ್ಯವಾದಗಳು ಎನ್ನುವಂತೆ ನಾಯಿ ಆತನೊಂದಿಗೆ ವರ್ತಿಸಿರುವ ವಿಡಿಯೋ ಎಲ್ಲರಿಗೂ ಮೆಚ್ಚುಗೆಯಾಗಿದೆ.
