ರಾತ್ರಿ ಕ್ಯಾಬ್ ಮೂಲಕ ಮನೆಗೆ ಮರಳುತ್ತಿದ್ದ 27ರ ಹರೆಯದ ಸ್ಕಾಟ್ ಹಂಫ್ರೆ 29 ರ ಹರೆಯದ ರಿಚರ್ಡ್ ರೊವೆಟ್ಟೋ ಮೇಲೆ ಹಲ್ಲೆ ನಡೆಸಿದಾಗ ಸಾವನ್ನಪ್ಪಿದ್ದಾನೆ ಎಂದು ಮೂಲಗಳು ತಿಳಿಸಿವೆ.ಕ್ಯಾಬ್ ಚಾಲಕನ ಪ್ರಕಾರ ತನ್ನ ಗರ್ಲ್‌ಫ್ರೆಂಡ್‌ನ್ನು ಫೇಸ್‌ಬುಕ್‌ನಲ್ಲಿ ಪೋಕ್ ಮಾಡಿದ್ದೀಯಾ ಎಂದು ರೊವೆಟ್ಟೋ ಮೇಲೆ ಹಂಫ್ರೆ ಆಪಾದನೆ ಮಾಡಿದ ಎನ್ನಲಾಗಿದೆ.
ತನ್ನ ಪ್ರೇಯಸಿಯನ್ನು ಫೇಸ್‌ಬುಕ್‌ನಲ್ಲಿ ಪೋಕ್ ಮಾಡಿದ್ದಕ್ಕಾಗಿ ಬ್ರಿಟಿಷ್ ವ್ಯಕ್ತಿಯೊಬ್ಬ ತನ್ನ ಸ್ನೇಹಿತನನ್ನು ಕೊಲೆ ಮಾಡಿದ ಘಟನೆ ವರದಿಯಾಗಿದೆ.
ಆ ಯುವತಿಯೊಂದಿಗೆ ನಿನ್ನ ಸಂಬಂಧವಿರುವುದು ನನಗೆ ಗೊತ್ತಿರಲಿಲ್ಲವೆಂದು ರೊವೆಟ್ಟೋ ಹಂಫ್ರೆಗೆ ತಿಳಿಸಿದ. ಆದರೆ ಆತನ ಮಾತನ್ನು ಆಲಿಸಲು ಸಿದ್ಧನಿಲ್ಲದ ಹಂಫ್ರೆ ಸಿಟ್ಟಿನ ಭರದಲ್ಲಿ ಆತನನ್ನು ಕೊಂದು ಹಾಕಿದ ಎಂದು ಪ್ರತ್ಯಕ್ಷದರ್ಶಿ ಕ್ಯಾಬ್ ಚಾಲಕ ಪೊಲೀಸರಿಗೆ ಮಾಹಿತಿ ನೀಡಿದ್ದಾನೆ.
ಆರೋಪಿ ಮುಂದಿನ ನಾಲ್ಕು ವರ್ಷ, ನಾಲ್ಕು ತಿಂಗಳುಗಳವರೆಗೆ ಕಾರಾಗೃಹದಲ್ಲಿ ಕಳೆಯ ಬೇಕಾಗುತ್ತದೆ ಎಂದು ವರದಿ ತಿಳಿಸಿದೆ.
