ಮೊಬೈಲ್ ನೋಡಿ ಕಣ್ಣು ನೋವು ಬರ್ತಿದೆಯಾ, ಏನು ಮಾಡಬೇಕು

ಮೊಬೈಲ್, ಕಂಪ್ಯೂಟರ್ ಅಥವಾ ಟಿವಿ ಪರದೆಯನ್ನು ದೀರ್ಘಕಾಲ ನೋಡುವಾಗ ಕಣ್ಣುಗಳು ಆಯಾಸಗೊಳ್ಳುವುದು ಮತ್ತು ನೋವು ಬರುವುದು ಸಾಮಾನ್ಯ. ಇದನ್ನು 'ಡಿಜಿಟಲ್ ಐ ಸ್ಟ್ರೈನ್' ಎನ್ನಲಾಗುತ್ತದೆ. ಈ ಸಮಸ್ಯೆಯನ್ನು ಶಮನಗೊಳಿಸಲು ಮತ್ತು ಕಣ್ಣುಗಳನ್ನು ರಕ್ಷಿಸಿಕೊಳ್ಳಲು ಈ ಕೆಳಗಿನ ಸರಳ ಮತ್ತು ಪರಿಣಾಮಕಾರಿ ಕ್ರಮಗಳನ್ನು ಅನುಸರಿಸಿ:

20-20-20 ನಿಯಮ ಪಾಲಿಸಿ

ಪ್ರತಿ 20 ನಿಮಿಷಕ್ಕೊಮ್ಮೆ, ಮೊಬೈಲ್ ನೋಡುವುದನ್ನು ನಿಲ್ಲಿಸಿ 20 ಅಡಿ ದೂರದಲ್ಲಿರುವ ಯಾವುದಾದರೂ ವಸ್ತುವನ್ನು 20 ಸೆಕೆಂಡುಗಳ ಕಾಲ ನೋಡಿ. ಇದರಿಂದ ಕಣ್ಣಿನ ಸ್ನಾಯುಗಳಿಗೆ ವಿಶ್ರಾಂತಿ ಸಿಗುತ್ತದೆ.

20-20-20 ನಿಯಮ ಪಾಲಿಸಿ

ಪ್ರತಿ 20 ನಿಮಿಷಕ್ಕೊಮ್ಮೆ, ಮೊಬೈಲ್ ನೋಡುವುದನ್ನು ನಿಲ್ಲಿಸಿ 20 ಅಡಿ ದೂರದಲ್ಲಿರುವ ಯಾವುದಾದರೂ ವಸ್ತುವನ್ನು 20 ಸೆಕೆಂಡುಗಳ ಕಾಲ ನೋಡಿ. ಇದರಿಂದ ಕಣ್ಣಿನ ಸ್ನಾಯುಗಳಿಗೆ ವಿಶ್ರಾಂತಿ ಸಿಗುತ್ತದೆ.

ಮೊಬೈಲ್ ಸ್ಕ್ರೀನ್ ಸೆಟ್ಟಿಂಗ್ಸ್ ಬದಲಾಯಿಸಿ

ಬ್ರೈಟ್‌ನೆಸ್ : ಮೊಬೈಲ್ ಬೆಳಕನ್ನು ಸುತ್ತಮುತ್ತಲಿನ ಬೆಳಕಿಗೆ ತಕ್ಕಂತೆ ಇರಿಸಿ. ತೀರಾ ಹೆಚ್ಚು ಅಥವಾ ತೀರಾ ಕಡಿಮೆ ಇಡಬೇಡಿ.

ಐ ಕಂಫರ್ಟ್ / ಬ್ಲೂ ಲೈಟ್ ಫಿಲ್ಟರ್ : ಮೊಬೈಲ್‌ನಲ್ಲಿರುವ ಬ್ಲೂ ಲೈಟ್ ಫಿಲ್ಟರ್ ಆನ್ ಮಾಡಿ. ಇದು ಕಣ್ಣಿಗೆ ಹಾನಿಕಾರಕ ನೀಲಿ ಬೆಳಕನ್ನು ತಡೆಯುತ್ತದೆ.

ಫಾಂಟ್ ಸೈಜ್: ಅಕ್ಷರಗಳನ್ನು ದೊಡ್ಡದಾಗಿಸಿ , ಇದರಿಂದ ಕಣ್ಣಿನ ಮೇಲೆ ಒತ್ತಡ ಕಡಿಮೆಯಾಗುತ್ತದೆ.

ಸರಿಯಾದ ಅಂತರ ಮತ್ತು ಭಂಗಿ

ಮೊಬೈಲ್ ಅನ್ನು ಕಣ್ಣಿನಿಂದ ಕನಿಷ್ಠ 15 ರಿಂದ 18 ಇಂಚು (ಅರ್ಧ ಮೀಟರ್) ದೂರದಲ್ಲಿಟ್ಟು ಬಳಸಿ.

ಕತ್ತಲೆಯಲ್ಲಿ ಅಥವಾ ಬೆಡ್‌ರೂಮ್ ಲೈಟ್ ಆಫ್ ಮಾಡಿ ಮೊಬೈಲ್ ಬಳಸಬೇಡಿ.

ಕಣ್ಣಿನ ಆರೈಕೆ ಮತ್ತು ವಿಶ್ರಾಂತಿ

ತಣ್ಣೀರಿನ ಸಿಂಚನ: ದಿನಕ್ಕೆ 2-3 ಬಾರಿ ಕಣ್ಣುಗಳಿಗೆ ತಣ್ಣೀರು ಚಿಮುಕಿಸಿ ತೊಳೆಯಿರಿ.

ಕೈಗಳ ಬೆಚ್ಚಗಿನ ಸ್ಪರ್ಶ: ಎರಡು ಅಂಗೈಗಳನ್ನು ಪರಸ್ಪರ ಉಜ್ಜಿ ಬೆಚ್ಚಗೆ ಮಾಡಿ, ಕಣ್ಣುಗಳ ಮೇಲೆ 1-2 ನಿಮಿಷ ಹಗುರವಾಗಿ ಇಟ್ಟುಕೊಳ್ಳಿ.

ಸೂಕ್ತ ನಿದ್ರೆ: ದಿನಕ್ಕೆ 7-8 ಗಂಟೆಗಳ ಕಾಲ ನಿದ್ರೆ ಮಾಡುವುದು ಕಣ್ಣಿನ ಆರೋಗ್ಯಕ್ಕೆ ಅತ್ಯಗತ್ಯ.