ಪುರುಷರು ತೊಡೆ ಮೇಲೆ ಲ್ಯಾಪ್ ಟಾಪ್ ಇಟ್ಟುಕೊಳ್ಳುವುದು ಎಷ್ಟು ಅಪಾಯಕಾರಿ ಗೊತ್ತಾ

Photo Credit: AI

ಲ್ಯಾಪ್ ಟಾಪ್ ತೊಡೆ ಮೇಲೆ ಇಟ್ಟುಕೊಂಡು ಕೆಲಸ ಮಾಡಿದ್ರೆ ಪುರುಷರಲ್ಲಿ ಬಂಜೆತನ ಬರುತ್ತಾ ಎಂದು ಕೆಲವರಿಗೆ ಅನುಮಾನಗಳಿವೆ. ಲ್ಯಾಪ್ ಟಾಪ್ ನ್ನು ತೊಡೆ ಮೇಲೆ ಇಟ್ಟುಕೊಂಡು ಕೆಲಸ ಮಾಡುವುದು ಪುರಷರಿಗೆ ಎಷ್ಟು ಅಪಾಯಕಾರಿ ಇಲ್ಲಿದೆ ನೋಡಿ ವಿವರ.

ಹಲವು ಸಂಶೋಧನೆಗಳ ಪ್ರಕಾರ ತೊಡೆ ಮೇಲೆ ಲ್ಯಾಪ್ ಟಾಪ್ ಇಟ್ಟುಕೊಂಡು ಕೆಲಸ ಮಾಡುವುದರಿಂದ ಶಾಶ್ವತ ಬಂಜೆತನ ಬರುವ ಸಮಸ್ಯೆ ಕಡಿಮೆ. ಆದರೆ ಈ ರೀತಿ ಕೆಲಸ ಮಾಡುವುದರಿಂದ ಪುರುಷರಲ್ಲಿ ವೀರ್ಯಾಣುವಿನ ಗುಣಮಟ್ಟ ಮತ್ತು ಸಂಖ್ಯೆ ಕಡಿಮೆಯಾಗುವ ಅಪಾಯವಿದೆ.

ಆರೋಗ್ಯಕರ ವೀರ್ಯ ಉತ್ಪಾದನೆಗೆ (ಸ್ಪರ್ಮಟೋಜೆನೆಸಿಸ್), ವೃಷಣಗಳು ನಿಮ್ಮ ದೇಹದ ಉಳಿದ ಭಾಗಗಳಿಗಿಂತ ಸುಮಾರು 2°C ನಿಂದ 4°C ವರೆಗೆ ತಂಪಾಗಿರಬೇಕು. ಆದರೆ ಲ್ಯಾಪ್ ಟಾಪ್ ತೊಡೆಯ ಮೇಲೆ ಇಟ್ಟುಕೊಳ್ಳುವುದರಿಂದ ಅದು ನೇರವಾಗಿ 40-50 ಡಿಗ್ರಿ ಸೆಲ್ಶಿಯಸ್ ಉಷ್ಣತೆ ಉತ್ಪಾದಿಸಬಲ್ಲದು. ಇದು ವೃಷಣಕೋಶದ ಉಷ್ಣತೆ ಹೆಚ್ಚಿಸುತ್ತದೆ.

ಹೀಗಾಗಿ ಲ್ಯಾಪ್‌ಟಾಪ್ ಅನ್ನು ಮಡಿಲಲ್ಲಿ ಕುಳಿತುಕೊಂಡು ಕೇವಲ ಒಂದು ಗಂಟೆ ಬಳಸುವುದರಿಂದ ವೃಷಣಗಳ ಉಷ್ಣತೆಯು 2.1°C ರಿಂದ 2.8°C ವರೆಗೆ ಹೆಚ್ಚಾಗಬಹುದು ಎಂದು ಅಧ್ಯಯನಗಳು ತೋರಿಸುತ್ತವೆ. ಇದರಿಂದ ವೀರ್ಯಾಣುಗಳ ಸಂಖ್ಯೆ ಕಡಿಮೆಯಾಗುವ ಮತ್ತು ವೀರ್ಯಾಣುಗಳಲ್ಲಿ DNA ಹಾನಿಗೆ ಕಾರಣವಾಗಬಹುದು.