ಏನಿದು ಮಂಗನ ಕಾಯಿಲೆ, ಇದರ ಲಕ್ಷಣಗಳೇನು, ಇಲ್ಲಿದೆ ಸಂಪೂರ್ಣ ವಿವರ

Photo Credit X

ರಾಜ್ಯದಲ್ಲಿ ಮಂಗನ ಕಾಯಿಲೆ ಓರ್ವ ಸಾವನ್ನಪ್ಪಿದ್ದು ಭಾರೀ ಆತಂಕ ಮೂಡಿಸಿದೆ. ಇನ್ನೂ ಮಂಗನ ಕಾಯಿಲೆ ಪ್ರಮುಖವಾಗಿ ಉಣ್ಣೆಗಳ ಕಚ್ಚುವಿಕೆಯಿಂದ ಹರಡುವ ವೈರಲ್ ಕಾಯಿಲೆಯಾಗಿದೆ. ಇದರ ಲಕ್ಷಣಗಳು ಸಾಮಾನ್ಯವಾಗಿ ವೈರಸ್ ದೇಹವನ್ನು ಸೇರಿದ 3 ರಿಂದ 8 ದಿನಗಳ ನಂತರ ಕಾಣಿಸಿಕೊಳ್ಳುತ್ತವೆ.

ಈ ಕಾಯಿಲೆಯ ಪ್ರಮುಖ ಲಕ್ಷಣಗಳನ್ನು ಕೆಳಗೆ ನೀಡಲಾಗಿದೆ:
1. ಆರಂಭಿಕ ಲಕ್ಷಣಗಳು 
    ತೀವ್ರ ಜ್ವರ: ಚಳಿ ಮತ್ತು ನಡುಕದೊಂದಿಗೆ ವಿಪರೀತ ಜ್ವರ ಬರುತ್ತದೆ.

    ವಿಪರೀತ ತಲೆನೋವು: ತಲೆಯ ಮುಂಭಾಗದಲ್ಲಿ ಹೆಚ್ಚು ನೋವು ಕಾಣಿಸಿಕೊಳ್ಳಬಹುದು.

    ದೇಹದ ನೋವು: ಸ್ನಾಯುಗಳ ಸೆಳೆತ ಮತ್ತು ತೀವ್ರವಾದ ಮೈಕೈ ನೋವು ಇರುತ್ತದೆ.

    ವಾಂತಿ ಮತ್ತು ಭೇದಿ: ಹೊಟ್ಟೆ ನೋವು, ವಾಕರಿಕೆ ಅಥವಾ ಪದೇ ಪದೇ ವಾಂತಿ ಮತ್ತು ಭೇದಿ ಉಂಟಾಗಬಹುದು.

    ಕಣ್ಣು ಕೆಂಪಾಗುವುದು: ಕಣ್ಣುಗಳಲ್ಲಿ ರಕ್ತದ ಅಂಶ ಕಂಡಂತೆ ಕೆಂಪಾಗುವುದು.

2. ತೀವ್ರತರವಾದ ಲಕ್ಷಣಗಳು ಹೀಗಿದೆ: 
    ರಕ್ತಸ್ರಾವ: ಮೂಗು, ಬಾಯಿ ಅಥವಾ ವಸಡುಗಳಿಂದ ರಕ್ತ ಸೋರುವಿಕೆ ಕಂಡುಬರಬಹುದು.

    ಮೂತ್ರದಲ್ಲಿ ರಕ್ತ: ಗಂಭೀರ ಸ್ಥಿತಿಯಲ್ಲಿ ಮಲ ಅಥವಾ ಮೂತ್ರದ ಮೂಲಕ ರಕ್ತ ಹೋಗಬಹುದು.

    ಮೆದುಳಿನ ಮೇಲೆ ಪರಿಣಾಮ: ತೀವ್ರ ಜ್ವರದಿಂದಾಗಿ ರೋಗಿ ಪ್ರಜ್ಞೆ ತಪ್ಪುವುದು ಅಥವಾ ಗೊಂದಲಕ್ಕೊಳಗಾಗುವ ಸಾಧ್ಯತೆ ಇರುತ್ತದೆ.