ಬೆಂಗಳೂರು : ಜನರು ಹೆಚ್ಚು ಬೆವರಿದಾಗ ಅವರ ಕಂಕುಳಿನಲ್ಲಿ ಬ್ಯಾಕ್ಟೀಯಾಗಳು ಹೆಚ್ಚಾಗಿ ವಾಸನೆ ಬರುತ್ತದೆ. ಇದರಿಂದ ಬೇರೆಯವರ ಬಳಿ ಹೋಗಲು ಮುಜುಗರವಾಗುತ್ತದೆ. ಈ ಸಮಸ್ಯೆಯನ್ನು ಹೋಗಲಾಡಿಸಲು ಇಲ್ಲಿದೆ ಕೆಲವು ನೈಸರ್ಗಿಕ ಮನೆಮದ್ದಗಳು.
*ಅಡುಗೆ ಸೋಡಾ ಇದು ಕಂಕುಳ ಭಾಗದ ವಾಸನೆಯನ್ನು ನಿವಾರಿಸಲು ಸಹಾಯ ಮಾಡುತ್ತದೆ. ಇದರಿಂದ ಕಂಕುಳ ಭಾಗವನ್ನು ಕ್ಲೀನ್ ಮಾಡಿಕೊಂಡರೆ ಬ್ಯಾಕ್ಟೀರಿಯಾಗಳ ಬೆಳವಣೆಗೆಯನ್ನು ತಡೆಯುತ್ತದೆ. 1 ಟೀ ಸ್ಪೂನ್ ನೀರಿಗೆ ಅಷ್ಟೇ ಪ್ರಮಾಣದಲ್ಲಿ ಅಡುಗೆ ಸೋಡಾವನ್ನು ಸೇರಿಸಿ ಮಿಕ್ಸ್ ಮಾಡಿ ಕಂಕುಳಿನ ಭಾಗಕ್ಕೆ ಹಚ್ಚಿ. ಇದನ್ನು ತೊಳೆಯುವ ಅಗತ್ಯವಿಲ್ಲ. ಇದನ್ನು ವಾರಕ್ಕೆ 2 ಬಾರಿ ಮಾತ್ರ ಮಾಡಿ. ಇಲ್ಲವಾದರೆ ಚರ್ಮ ಡ್ರೈ ಆಗಬಹುದು.
* ಕಂಕುಳ ಭಾಗದ ವಾಸನೆಯನ್ನು ನಿವಾರಿಸಲು ವಿನೆಗರ್ ಉತ್ತಮ ಪರಿಹಾರವಾಗಿದೆ. ಸ್ವಲ್ಪ ವಿನೆಗರ್ , ನಿಂಬೆ ರಸ ಮತ್ತು ನೀರನ್ನು ಒಂದು ಬಾಟಲಿನಲ್ಲಿ ಹಾಕಿ ಚೆನ್ನಾಗಿ ಮಿಕ್ಸ್ ಮಾಡಿ ಕಂಕುಳ ಭಾಗಕ್ಕೆ ಸಿಂಪಡಿಸಿ.
*ನಿಂಬೆ ಹಣ್ಣು ಕೆಟ್ಟ ವಾಸನೆಗೆ ಕಾರಣವಾಗುವ ಬ್ಯಾಕ್ಟೀರಿಯಾಗಳನ್ನು ತಟಸ್ಥಗೊಳಿಸುತ್ತದೆ. ನಿಂಬೆ ಹಣ್ಣಿನ ಅರ್ಧ ಭಾಗವನ್ನು ತೆಗೆದುಕೊಂಡು ಕಂಕುಳ ಭಾಗಕ್ಕೆ ಚೆನ್ನಾಗಿ ಮಸಾಜ್ ಮಾಡಿ 5 ನಿಮಿಷ ಹಾಗೆ ಬಿಟ್ಟು ಬಳಿಕ ತೊಳೆಯಿರಿ. ಇದನ್ನು ರಾತ್ರಿಯ ವೇಳೆ ವಾರದಲ್ಲಿ 2 ಬಾರಿ ಮಾಡಿ.
