ಅರಶಿನ ಇಡೀ ದೇಹಕ್ಕೆ ಉತ್ತಮ ಔಷಧಿ. ಹಸಿ ಮತ್ತು ಪುಡಿ ಮಾಡಿದ ಅರಶಿನ ಸರ್ವರೋಗಕ್ಕೂ ಪರಿಹಾರಕವಾಗಿದೆ.
ಬರೀ ಅಡುಗೆಮನೆಯಲ್ಲಿ ಮಾತ್ರ ಇದರ ಬಳಕೆಯಲ್ಲ. ಬದಲಾಗಿ ನಮ್ಮ ಪ್ರತೀ ಚಟುವಟಿಕೆಯಲ್ಲೂ ಇದು ಬೇಕಾಗಿದೆ.
ಸುಟ್ಟ ಗಾಯಗಳಿಂದ ನಮ್ಮ ದೇಹವನ್ನು ಅರಶಿನ ಕಾಪಾಡುತ್ತದೆ. ಗಾಯಗಳಿಗೆ ಅರಶಿನ ಲೇಪಿಸಿದರೆ ಬೇಗ ವಾಸಿಯಾಗುತ್ತದೆ. ಗಾಯದ ಕಲೆ ಕೂಡ ಶೀಘ್ರದಲ್ಲಿ ಮಾಯವಾಗುತ್ತದೆ.
ಮುಖದ ಸೌಂದರ್ಯಕ್ಕೂ ಅರಶಿನದ ಕೊಡುಗೆ ಅಪಾರ. ಮುಖಕ್ಕೆ ಕಾಂತಿ ಬರಬೇಕಾದರೆ ಅರಶಿನ ಹಚ್ಚುತ್ತಾರೆ. ಪೂಜೆಯ ದಿನ, ಮದುವೆಯ ಹಿಂದಿನ ಅರಶಿನ ಹಚ್ಚುತ್ತಾರೆ.
ಶುಭ ಸಮಾರಂಭಗಳಲ್ಲಿ ಅರಶಿನವಿಲ್ಲದೆ ಕಾರ್ಯ ನಡೆಯುವುದೇ ಇಲ್ಲ ಎಂದೇ ಹೇಳಬಹುದು. ಮದುವೆಯ ಹಿಂದಿನ ದಿನ ಅರಶಿನ ಶಾಸ್ತ್ರ ಅಂತಾನೇ ನಡೆಯುತ್ತೆ. ಮದುಮಗಳಿಗೆ ಕಾಂತಿ ಬರಲಿ ಎಂದು ಅರಶಿನ ನೀರನ್ನು ಸುರಿಯುತ್ತಾರೆ.
ಅಡುಗೆಯಲ್ಲಿ ಪ್ರಮುಖವಾಗಿ ಅರಶಿನ ಇರಲೇಬೇಕು. ಅರಶಿನ ರೋಗನಿರೋಧಕ ಶಕ್ತಿ ಹೆಚ್ಚಿಸೋದರಲ್ಲಿ ಹೆಚ್ಚು ಪಾತ್ರ ವಹಿಸುತ್ತದೆ. ಮಳೆಗಾಲವಾದ್ದರಿಂದ ಅಡುಗೆಯಲ್ಲಿ ಹೆಚ್ಚು ಬಳಸಿ.
ಸುಟ್ಟ ನೋವುಗಳಿಂದ ನಮ್ಮನ್ನು ರಕ್ಷಿಸುವ ಅರಶಿನ ನೈಸರ್ಗಿಕ ಆಂಟಿಸೆಪ್ಟಿಕ್ ಮತ್ತು ಬ್ಯಾಕ್ಟಿರಿಯಾ ವಿರೋಧಿ ಅಂಶವಾಗಿದೆ. ಜಠರವನ್ನು ಕೂಡ ನೈಸರ್ಗಿವಾಗಿ ಶುದ್ಧ ಮಾಡುವಲ್ಲಿ ಅರಶಿನದ ಪಾತ್ರ ದೊಡ್ಡದು.
ಮೆದುಳನ್ನು ಆರೋಗ್ಯವಾಗಿ ಇರಿಸುವುದರಲ್ಲೂ ಅರಶಿನ ಪ್ರಮುಖ ಪಾತ್ರ ವಹಿಸುತ್ತದೆ. ಕ್ಯಾನ್ಸರ್ ನ್ನು ಕೂಡ ಪ್ರಾಥಮಿಕವಾಗಿ ಅರಶಿನ ದೂರವಿಡುತ್ತದೆ.
ಅರಶಿನ ಕೊಬ್ಬನ್ನು ಕರಗಿಸುವ ಗುಣವನ್ನು ಹೊಂದಿದ್ದು ತೂಕ ನಿಯಂತ್ರಣಕ್ಕೆ ಸಹಕಾರಿ. ಖಿನ್ನತೆಯ ಚಿಕಿತ್ಸೆಗಾಗಿ ಚೀನಾದಲ್ಲಿ ಅರಶಿನವನ್ನು ಬಳಸಲಾಗುತ್ತದೆ.