ಮುಟ್ಟು ತಡವಾಗಿ ಆಗ್ತಿದೆಯಾ, ಇದಕ್ಕೆ ಕಾರಣಗಳು ಹೀಗಿರಬಹುದು

ಕೆಲವರಿಗೆ ತಿಂಗಳಿಗೆ ಸರಿಯಾಗಿ ಮುಟ್ಟು ಬರಲ್ಲ. ಮುಟ್ಟು ತಡವಾಗುವುದಕ್ಕೆ ಕಾರಣಗಳು ಅನೇಕ. ಅವುಗಳು ಯಾವುವೆಲ್ಲಾ ಇಲ್ಲಿದೆ ನೋಡಿ ವಿವರ.

ಮೂಡ್ ಬದಲಾವಣೆ: ಕೆಲವೊಮ್ಮೆ ಅತಿಯಾದ ದುಃಖ, ಖುಷಿ, ಒತ್ತಡ, ಆತಂಕ, ಭಯ ಮೊದಲಾದ ಮೂಡ್ ಬದಲಾವಣೆಗಳು ಮುಟ್ಟಿನ ಮೇಲೆ ಪರಿಣಾಮ ಬೀರಬಹುದು.
ಆಹಾರ ಬದಲಾವಣೆ: ಅತಿಯಾದ ಕೆಫೈನ್ ಅಂಶದ ಆಹಾರ ಸೇವನೆ, ಅತಿಯಾದ ಖಾರದ ಆಹಾರ ಸೇವನೆ, ಹೈ ಪ್ರೊಟೀನ್ ಆಹಾರಗಳು ಮುಟ್ಟು ತಡವಾಗುವುದಕ್ಕೆ ಕಾರಣಗಳಾಗಬಹುದು.
ಹಾರ್ಮೋನ್ ಬದಲಾವಣೆ: ವಯಸ್ಸು 30 ದಾಟಿದ ಮೇಲೆ ಮಹಿಳೆಯರಲ್ಲಿ ಹಾರ್ಮೋನ್ ಬದಲಾವಣೆಗಳಾಗುತ್ತವೆ. ಥೈರಾಯ್ಡ್ ಹೆಚ್ಚಳ, ಈಸ್ಟ್ರೋಜನ್ ಮತ್ತು ಪ್ರೊಜೆಸ್ಟಿರೋನ್ ಹಾರ್ಮೋನ್ ಸರಿಯಾಗಿ ಬಿಡುಗಡೆ ಆಗದೇ ಇರುವುದು ಕಾರಣವಾಗಬಹುದು. ಅಲ್ಲದೆ, ಕೆಲವರಲ್ಲಿ ಮುಟ್ಟು ನಿಲ್ಲುವ ಸಂದರ್ಭದಲ್ಲಿ ಆಗುವ ಹಾರ್ಮೋನ್ ಬದಲಾವಣೆಗಳಿಂದಲೂ ಈ ರೀತಿ ಆಗುತ್ತದೆ.
ಆರೋಗ್ಯ ಸಮಸ್ಯೆಗಳು: ಮಧುಮೇಹ, ರಕ್ತದೊತ್ತಡ, ಕಡಿಮೆ ರಕ್ತದೊತ್ತಡ, ಯಾವುದಾದರೂ ಸೋಂಕು ರೋಗಗಳಿಂದ ಬಳಲುತ್ತಿದ್ದರೂ ಮುಟ್ಟು ತಡವಾಗುವ ಸಾಧ್ಯತೆಗಳಿರುತ್ತವೆ.

ಮುಟ್ಟು ತಡವಾಗಿ ಅಸಹಜ ರಕ್ತಸ್ರಾವ, ವಿಪರೀತ ಬೆವರು, ಎದೆನೋವು, ತೂಕ ಇಳಿಕೆ ಅಥವಾ ಹೆಚ್ಚಳವಾಗುತ್ತಿದ್ದರೆ ವೈದ್ಯರನ್ನು ಸಂಪರ್ಕಿಸಿ ಚಿಕಿತ್ಸೆ ಪಡೆಯುವುದು ಉತ್ತಮ.