ಬೇಸಿಗೆಯಲ್ಲಿ ಅಡುಗೆ ಮನೆಯಲ್ಲೇ ಗಿಡಗಳಿಗೆ ನೀರು ಉತ್ಪತ್ತಿ ಮಾಡುವ ವಿಧಾನ

ಬೆಂಗಳೂರು: ಬೇಸಿಗೆಯಲ್ಲಿ ಅದರಲ್ಲೂ ಹಳ್ಳಿಗಳಲ್ಲಿ ಗಿಡಗಳಿಗೆ ನೀರು ಹಾಕಲೂ ನೀರಿಲ್ಲದ ಪರಿಸ್ಥಿತಿ. ಹಾಗಿರುವಾಗ ನೀರು ಉಳಿತಾಯ ಮಾಡಿ ಗಿಡಗಳಿಗೆ ನೀರು ಉಣಿಸಲು ಒಂದು ಉಪಾಯ ಇಲ್ಲಿದೆ ನೋಡಿ.

ನಾವು ಕೈ ತೊಳೆಯಲು, ಪಾತ್ರೆ ತೊಳೆಯಲು ಬಳಸುವ ನೀರಿಗೆ ಲೆಕ್ಕವೇ ಇರುವುದಿಲ್ಲ. ಈ ನೀರನ್ನೇ ಪೋಲಾಗದಂತೆ ನಳ್ಳಿಯ ಕೆಳಗೆ ಪಾತ್ರೆಯೊಂದನ್ನು ಇಟ್ಟುಕೊಂಡು ಪಾತ್ರೆ ಅಥವಾ ಕೈ ತೊಳೆದ ನೀರು ಆ ಪಾತ್ರೆಯೊಳಗೇ ಸಂಗ್ರಹವಾಗುವಂತೆ ನೋಡಿಕೊಂಡರೆ ಆ ನೀರನ್ನು ಪುನರ್ ಬಳಕೆ ಮಾಡಬಹುದು.

ಅದನ್ನು ಒಂದು ಪಾತ್ರೆಯಲ್ಲಿ ಸಂಗ್ರಹಿಸಿಟ್ಟುಕೊಂಡು ಗಿಡಗಳಿಗೆ ಬಳಕೆ ಮಾಡಲು ಉಪಯೋಗಿಸಿದರೆ ನೀರೂ ಪೋಲಾಗದು, ಗಿಡಗಳ ದಾಹವೂ ತೀರುವುದು.

ತಾಜಾ ಸುದ್ದಿಗಳನ್ನು ಓದಲು ವೆಬ್ ದುನಿಯಾ ಮೊಬೈಲ್ ಆಪ್ ಡೌನ್ ಲೋಡ್ ಮಾಡಿ