ಬೆಂಗಳೂರು: ಮದುವೆಯಾದ ಬಳಿಕ ಅತ್ತೆಯನ್ನು ಇಂಪ್ರೆಸ್ ಮಾಡುವಷ್ಟೇ ಗಂಡನ ಸಹೋದರಿಯನ್ನೂ ಬುಟ್ಟಿಗೆ ಹಾಕಿಕೊಳ್ಳುವುದು ಹೆಣ್ಣಿಗೆ ತುಂಬಾ ಮುಖ್ಯ. ಅದಕ್ಕೇನು ಮಾಡೋದು?
ಸಿಂಪಲ್ ಹಾಯ್ ಹೇಳಿ
ಪ್ರತಿ ನಿತ್ಯ ಆಕೆಯ ಜತೆ ಗಂಟು ಮೋರೆ ಹಾಕಿಕೊಳ್ಳುವುದು ಬಿಟ್ಟು, ಬೆಳ್ಳಂ ಬೆಳಿಗ್ಗೆ ಹೇಳುವ ಹಾಯ್, ಗುಡ್ ಮಾರ್ನಿಂಗ್ ಪದಗಳು ಮ್ಯಾಜಿಕ್ ಮಾಡಬಹುದು. ಸಂಬಂಧಿಕರಂತೆ ನೋಡುವುದಕ್ಕಿಂತ ಸ್ನೇಹಿತೆಯಂತೆ ಕಂಡರೆ ನಿಮಗೇ ಲಾಭ.
ಡ್ರೆಸ್, ವಸ್ತುಗಳನ್ನು ಹಂಚಿಕೊಳ್ಳಿ
ಕೆಲವೊಮ್ಮೆ ನೀವು ಗಂಡನ ಜತೆ ಶಾಪಿಂಗ್ ಹೋದಾಗ ಆಕೆಗೂ ಏನೋ ಖರೀದಿ ಮಾಡುವುದು, ಗಿಫ್ಟ್ ಕೊಡುವುದು ಮಾಡಿ. ಇಲ್ಲವಾದರೆ ನಿಮ್ಮ ಕೆಲವು ಡ್ರೆಸ್ ಅಥವಾ ವಸ್ತುಗಳನ್ನು ಆಕೆಯ ಜತೆ ಹಂಚಿಕೊಳ್ಳಿ. ಆಕೆಯದ್ದನ್ನು ನೀವೂ ಕೇಳಿ ಪಡೆದುಕೊಳ್ಳಿ. ಪರಸ್ಪರ ಹೊಗಳಿಕೆ ಕೆಲಸ ಮಾಡುತ್ತದೆ!
ಅಣ್ಣ-ತಂಗಿ ಸಂಬಂಧಕ್ಕೆ ಬೆಲೆ ಕೊಡಿ
ಮದುವೆಯಾದ ಬಳಿಕ ಸಹೋದರ ನನ್ನಿಂದ ದೂರವಾದ ಎಂಬ ಭಾವನೆ ಬರದಂತೆ ನೋಡಿಕೊಳ್ಳಿ. ನಿಮ್ಮ ಲೈಟ್ ಮಾತುಕತೆಗಳ ಸಂದರ್ಭ ಆಕೆಯನ್ನೂ ಜತೆ ಸೇರಿಸಿ. ಒಟ್ಟಿಗೆ ಮಾತನಾಡಿ, ತಮಾಷೆ ಮಾಡಿ. ಇದರಿಂದ ಸಂಬಂಧವೂ ಹೆಚ್ಚು ಹತ್ತಿರವಾಗುತ್ತದೆ.
ತಾಜಾ ಸುದ್ದಿಗಳನ್ನು ಓದಲು ವೆಬ್ ದುನಿಯಾ ಮೊಬೈಲ್ ಆಪ್ ಡೌನ್ ಲೋಡ್ ಮಾಡಿ