ವೋಟ್ ಆರಂಭಕ್ಕೂ ಮೊದಲೇ ಅಲ್ಲಲ್ಲಿ ವಿಘ್ನ

ಮತದಾನ ಆರಂಭಕ್ಕೂ ಮುನ್ನ ವಿಘ್ನ ಎದುರಾದ ಘಟನೆ ಹಲವೆಡೆ ನಡೆದಿವೆ.

ಮೈಸೂರಿನ ಚಾಮರಾಜ ವಿಧಾನಸಭಾ ಕ್ಷೇತ್ರದ ಮತಗಟ್ಟೆ ಸಂಖ್ಯೆ 230 ರಲ್ಲಿ ಮತದಾನ ಆರಂಭಕ್ಕೂ ಮುನ್ನವೇ ತಾಂತ್ರಿಕ ದೋಷ ಕಾಣಿಸಿಕೊಡಿತು. ಕೆಲ ಸಮಯದ ಬಳಿಕ ಮತಯಂತ್ರವನ್ನು ಸರಿಪಡಿಸುವ ಕೆಲಸದಲ್ಲಿ ನಿರತರಾಗಿದ್ರು ಸಿಬ್ಬಂದಿಗಳು.
ದೇವರಾಜ ಬಾಲಕಿಯರ ಸರ್ಕಾರಿ ಪದವಿಪೂರ್ವ ಕಾಲೇಜಿನ‌ ಮತಕೇಂದ್ರದಲ್ಲಿ ಈ ಘಟನೆ ನಡೆದಿದೆ.

ಇನ್ನು ಐದು ನಿಮಿಷ ತಡವಾಗಿ ಮತಗಟ್ಟೆಗೆ ಏಜೆಂಟರು ಆಗಮಿಸಿದ್ರು. ಚುನಾವಣಾ ವೀಕ್ಷಕರ ಅನುಮತಿ ಪಡೆದು ಮತಗಟ್ಟೆ ಏಜೆಂಟರಿಗೆ ಅನುಮತಿಸಿದ್ರು ಮತಗಟ್ಟೆ ಅಧಿಕಾರಿಗಳು. ಬೆಂಗಳೂರು ಕೇಂದ್ರ ಲೋಕಸಭಾ ಕ್ಷೇತ್ರದ ಯುನೈಟೆಡ್ ಥಿಯಾಲಜಿಕಲ್ ಕಾಲೇಜು ಮತಗಟ್ಟೆಯಲ್ಲಿ ಈ ಘಟನೆ ನಡೆಯಿತು.

ಮತದಾನದಲ್ಲಿ ಪಾಲ್ಗೊಂಡ 96 ವರ್ಷದ ಫಾದರ್ ಎನ್ .ಸಿ.ಜೋಸೆಫ್ ಹಾಗೂ 83 ವರ್ಷದ ಫಾದರ್ ಡಿಕೋಸ್ಟಾ ಗಮನ ಸೆಳೆದರು. ವೀಲ್ ಚೇರ್ ನಲ್ಲಿ ಬಂದು ಮೊದಲು ಮತದಾನ ಮಾಡಿದರು ಈ ಹಿರಿಯ ನಾಗರೀಕರು.