ಜಂಬೋ ಅನಿಲ್ ಕುಂಬ್ಳೆ ಬರ್ತ್ ಡೇ ದಿನವೂ ಅದೇ ಘಟನೆ ನೆನಪಿಸಿದ ಸೆಹ್ವಾಗ್!

ಮುಂಬೈ: ಟೀಂ ಇಂಡಿಯಾ ಕಂಡ ಅತ್ಯಂತ ಯಶಸ್ವಿ ಸ್ಪಿನ್ನರ್, ಕನ್ನಡಿಗ ಅನಿಲ್ ಕುಂಬ್ಳೆಗೆ ಇಂದು 49 ನೇ ಜನ್ಮದಿನದ ಸಂಭ್ರಮ. ಸ್ಪಿನ್ ಗಾರುಡಿಗನ ಬರ್ತ್ ಡೇಗೆ ಕ್ರಿಕೆಟ್ ಲೋಕದ ಸ್ನೇಹಿತರು, ಅಭಿಮಾನಿಗಳು ಶುಭ ಹಾರೈಕೆಗಳ ಸುರಿಮಳೆಗೈಯುತ್ತಿದ್ದಾರೆ.

ಯಾರದ್ದೇ ಬರ್ತ್ ಡೇ ಇರಲಿ, ತಮಾಷೆಯಾಗಿ ವಿಶ್ ಮಾಡುವುದು ವೀರೇಂದ್ರ ಸೆಹ್ವಾಗ್. ಈಗ ತಮ್ಮ ನೆಚ್ಚಿನ ನಾಯಕ ಅನಿಲ್ ಕುಂಬ್ಳೆಗೂ ಸೆಹ್ವಾಗ್ ಹಳೆಯ ಘಟನೆಯೊಂದನ್ನು ನೆನಪಿಸಿ ವಿಶ್ ಮಾಡಿದ್ದಾರೆ.

ಅನಿಲ್ ಕುಂಬ್ಳೆ ಟೆಸ್ಟ್ ಕ್ರಿಕೆಟ್ ನಲ್ಲಿ ಎರಡನೇ ಶತಕ ಗಳಿಸಬೇಕಿತ್ತು. ಆದರೆ ಇನ್ನೊಂದು ತುದಿಯಲ್ಲಿದ್ದ ಸೆಹ್ವಾಗ್ ಪ್ರೇರಣೆಯಿಂದ ಭರ್ಜರಿ ಹೊಡೆತಕ್ಕೆ ಕೈ ಹಾಕಿ ಶತಕದ ಅಂಚಿನಲ್ಲಿ ಔಟಾಗಿದ್ದರು. ಈ ಘಟನೆಯನ್ನು ಸೆಹ್ವಾಗ್ ಹಿಂದೊಮ್ಮೆ ಟಾಕ್ ಶೋ ಒಂದರಲ್ಲಿ ಹೇಳಿದ್ದರು.