ಐಪಿಎಲ್ ಗೂ ಮೊದಲು ಯೋಗ ಕಲಿಯುತ್ತಿರುವ ಶಿಖರ್ ಧವನ್

ದುಬೈ: ಐಪಿಎಲ್ 13 ಗೆ ಸಿದ್ಧತೆ ನಡೆಸುತ್ತಿರುವ ಡೆಲ್ಲಿ ಕ್ಯಾಪಿಟಲ್ಸ್ ಆಟಗಾರ ಶಿಖರ್ ಧವನ್ ಇದೀಗ ಕ್ವಾರಂಟೈನ್ ಅವಧಿಯಲ್ಲಿ ಯೋಗ ಕಲಿಯುತ್ತಿದ್ದಾರೆ.

ದುಬೈನಲ್ಲಿ ಹೋಟೆಲ್ ಕೊಠಡಿಯಲ್ಲಿ ಕ್ವಾರಂಟೈನ್ ಅವಧಿ ಮುಗಿಸುತ್ತಿರುವ ಕ್ರಿಕೆಟಿಗರು ಅಲ್ಲಿಂದಲೇ ವರ್ಕೌಟ್ ಮಾಡಿಕೊಂಡು ಬ್ಯುಸಿಯಾಗಿದ್ದಾರೆ. ಈ ನಡುವೆ ಶಿಖರ್ ತಮ್ಮ ಬ್ಯಾಟಿಂಗ್ ಭಂಗಿ ಸುಧಾರಣೆಗೆ ಯೋಗವನ್ನೂ ಅಭ್ಯಾಸ ಮಾಡುತ್ತಿರುವುದಾಗಿ ಹೇಳಿದ್ದಾರೆ. ಜತೆಗೆ ಯೋಗ ಮಾಡುತ್ತಿರುವ ವಿಡಿಯೋವನ್ನೂ ಪ್ರಕಟಿಸಿದ್ದಾರೆ. ಇದರಿಂದ ಮಾನಸಿಕವಾಗಿಯೂ ರಿಲ್ಯಾಕ್ಸ್ ಆಗಿರಬಹುದು ಎಂದು ಅವರು ಹೇಳಿದ್ದಾರೆ.