ನಾನು ಅರ್ಧಶತಕ ಗಳಿಸುವಾಗ ಮಗಳು ನೋಡಲಿಲ್ಲ! ರೋಹಿತ್ ಶರ್ಮಾ ಬೇಸರ

ಮುಂಬೈ: ಅಪ್ಪನಾದ ಮೇಲೆ ಮೊದಲ ಬಾರಿಗೆ ಮಗಳ ಎದುರು ಆಟವಾಡುವ ಎಕ್ಸೈಟ್ ಮೆಂಟ್ ಯಾವುದೇ ಕ್ರಿಕೆಟಿಗನಿಗೆ ಇದ್ದೇ ಇರುತ್ತದೆ. ಇದೀಗ ರೋಹಿತ್ ಶರ್ಮಾಗೂ ಅದೇ ಖುಷಿ ಇತ್ತು.

ಆದರೆ ತಮ್ಮ ಮಗಳು ಮೈದಾನದಲ್ಲಿದ್ದಾಗ ತಾನು ಅರ್ಧಶತಕ ಗಳಿಸಿದರೂ ನೋಡದೇ ಅವಳು ನಿದ್ರೆ ಮಾಡಿದ್ದಳು ಎಂದು ರೋಹಿತ್ ಬೇಸರ ವ್ಯಕ್ತಪಡಿಸಿದ್ದಾರೆ.

ಅಮ್ಮ ರಿತಿಕಾ ಜತೆಗೆ ಅಪ್ಪ ಮುಂಬೈ ಇಂಡಿಯನ್ಸ್ ಪರ ಕೋಲ್ಕೊತ್ತಾ ನೈಟ್ ರೈಡರ್ಸ ವಿರುದ್ಧದ ಪಂದ್ಯದಲ್ಲಿ ಆಡುವುದನ್ನು ನೋಡಲು ಬಂದಿದ್ದ ಸಮೈರಾ ನಿದ್ರೆ ಮಾಡಿಬಿಟ್ಟಿದ್ದಳು. ಇನ್ನೂ ನಾಲ್ಕು ತಿಂಗಳ ಮಗು. ಹಾಗಿದ್ದರೂ ಅಪ್ಪನನ್ನು ಗುರುತು ಹಿಡಿಯುವಷ್ಟು ಬೆಳೆದಿದ್ದಾಳೆ. ಆದರೆ ತಾನು ಆಡುವುದನ್ನು ನೋಡಿಲ್ಲವಲ್ಲ ಎಂಬುದೇ ಅಪ್ಪ ರೋಹಿತ್ ಬೇಸರ. ಹೀಗಾಗಿ ಪಂದ್ಯದ ಬಳಿಕ ಮಗಳ ಜತೆ ಮೈದಾನದಲ್ಲಿ ಕುಳಿತು ರೋಹಿತ್ ಮುದ್ದಾಡಿದ್ದೇ ಮುದ್ದಾಡಿದ್ದು. ಈ ಕ್ಯೂಟ್ ಮೊಮೆಂಟ್ ಗಳು ಇದೀಗ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.

ತಾಜಾ ಸುದ್ದಿಗಳನ್ನು ಓದಲು ವೆಬ್ ದುನಿಯಾ ಮೊಬೈಲ್ ಆಪ್ ಡೌನ್ ಲೋಡ್ ಮಾಡಿ