ಬೇಡವೆಂದರೂ ಸ್ಲೆಡ್ಜಿಂಗ್ ಮಾಡಿದ್ದೇಕೆಂದು ಕಾರಣ ಬಿಚ್ಚಿಟ್ಟ ರಿಷಬ್ ಪಂತ್

ಅಡಿಲೇಡ್: ಭಾರತ ಮತ್ತು ಆಸ್ಟ್ರೇಲಿಯಾ ನಡುವಿನ ಟೆಸ್ಟ್ ಸರಣಿಯಲ್ಲಿ ಈ ಬಾರಿ ನೋ ಸ್ಲೆಡ್ಜಿಂಗ್ ಎಂದರೂ ಟೀಂ ಇಂಡಿಯಾ ಆಟಗಾರರೇ ಮಾತಿನ ಚಕಮಕಿಗೆ ನಾಂದಿ ಹಾಡಿದ್ದರು.

ಮೈದಾನದಲ್ಲಿ ಆಸ್ಟ್ರೇಲಿಯಾ ಆಟಗಾರರು ಸುಮ್ಮನಿದ್ದರೂ ಟೀಂ ಇಂಡಿಯಾ ಯುವ ವಿಕೆಟ್ ಕೀಪರ್ ರಿಷಬ್ ಪಂತ್ ಕೀಪಿಂಗ್ ಮಾಡುವಾಗ ಬೇಕೆಂದೇ ಎದುರಾಳಿಗಳನ್ನು ಮಾತಿನಲ್ಲಿ ಕೆಣಕಿ ಸುದ್ದಿಯಾಗಿದ್ದರು. ಈ ಬಗ್ಗೆ ಪಂದ್ಯದ ಬಳಿಕ ರಿಷಬ್ ಗೆ ಪ್ರಶ್ನಿಸಿದಾಗ ಅವರು ಅದರ ಹಿಂದಿನ ಕಾರಣ ವಿವರಿಸಿದ್ದಾರೆ.

‘ಬ್ಯಾಟ್ಸ್ ಮನ್ ಗಳಿಗೆ ಕಾಟ ಕೊಡುವುದನ್ನು ನಾನು ಎಂಜಾಯ್ ಮಾಡುತ್ತಿದ್ದೆ. ಎದುರಾಳಿ ಬ್ಯಾಟ್ಸ್ ಮನ್ ಗಳ ಗಮನ ಬೌಲರ್ ಗಳ ಕಡೆಗೆ ಇರಬಾರದು, ನನ್ನ ಕಡೆಗೆ ಇರಬೇಕು ಎಂದು ಹಾಗೆ ಮಾಡುತ್ತಿದ್ದೆ’ ಎಂದು ರಿಷಬ್ ತಮಾಷೆಯಾಗಿ ಹೇಳಿಕೊಂಡಿದ್ದಾರೆ. ಅಂದ ಹಾಗೆ ಇದು ರಿಷಬ್ ಪಾಲಿಗೆ ಅದ್ಭುತ ಪಂದ್ಯವಾಗಿತ್ತು. ಆಸೀಸ್ ನ 20 ವಿಕೆಟ್ ಗಳ ಪೈಕಿ 11 ಕ್ಯಾಚ್ ಪಡೆದು ರಿಷಬ್ ದಾಖಲೆ ನಿರ್ಮಿಸಿದ್ದರು.

ತಾಜಾ ಸುದ್ದಿಗಳನ್ನು ಓದಲು ವೆಬ್ ದುನಿಯಾ ಮೊಬೈಲ್ ಆಪ್ ಡೌನ್ ಲೋಡ್ ಮಾಡಿ