ಅಡಿಲೇಡ್: ಭಾರತ ಮತ್ತು ಆಸ್ಟ್ರೇಲಿಯಾ ನಡುವೆ ಅಡಿಲೇಡ್ ನಲ್ಲಿ ನಡೆಯುತ್ತಿರುವ ಮೊದಲ ಟೆಸ್ಟ್ ಪಂದ್ಯದಲ್ಲಿ ರೋಹಿತ್ ಶರ್ಮಾ ಮುಜುಗರಕ್ಕೀಡಾದ ಪ್ರಸಂಗ ಎದುರಾಗಿದೆ.
ನಾಲ್ಕನೇ ದಿನದಲ್ಲಿ ಆಸೀಸ್ ನ ದ್ವಿತೀಯ ಇನಿಂಗ್ಸ್ ನಲ್ಲಿ ಏರನ್ ಫಿಂಚ್ ವಿಕೆಟ್ ನ್ನು ಅಶ್ವಿನ್ ಕಬಳಿಸಿದ ಬೆನ್ನಲ್ಲೇ ಚಹಾ ವಿರಾಮ ಘೋಷಿಸಲಾಯಿತು. ಈ ಸಂದರ್ಭದಲ್ಲಿ ಅಶ್ವಿನ್ ಸಹಿತ ಆಟಗಾರರು ಪೆವಿಲಿಯನ್ ಗೆ ಮರಳುತ್ತಿದ್ದರು.
ಆಗ ಅಶ್ವಿನ್ ಬಳಿಗೆ ಬಂದ ರೋಹಿತ್ ಶರ್ಮಾ ಕೈ ಕುಲುಕಲು ಮುಂದಾದರು. ಆದರೆ ಅಶ್ವಿನ್ ಅದನ್ನು ಗಮನಿಸದೇ ಮುನ್ನಡೆದಾಗ ಮುಜುಗರಕ್ಕೀಡಾದ ರೋಹಿತ್ ಅಶ್ವಿನ್ ಬೆನ್ನುತಟ್ಟಿ ಮುನ್ನಡೆದರು. ಆದರೆ ಈ ವಿಡಿಯೋ ಟ್ವಿಟರ್ ನಲ್ಲಿ ವೈರಲ್ ಆಗುತ್ತಿದ್ದಂತೆ ಟ್ರೋಲಿಗರು ರೋಹಿತ್ ರನ್ನು ಟ್ರೋಲ್ ಮಾಡಿದ್ದಾರೆ. ಈ ಪಂದ್ಯದಲ್ಲಿ ರೋಹಿತ್ ರಿಂದ ಹೇಳಿಕೊಳ್ಳುವಂತಹ ಆಟ ಬಂದಿರಲಿಲ್ಲ. ಹೀಗಾಗಿ ಟ್ರೋಲಿಗರು ರೋಹಿತ್ ಗೆ ಯಾರೂ ಹ್ಯಾಂಡ್ ಶೇಕ್ ಕೂಡಾ ಮಾಡುತ್ತಿಲ್ಲ ಎಂದು ತಮಾಷೆ ಮಾಡಿದ್ದಾರೆ.
ತಾಜಾ ಸುದ್ದಿಗಳನ್ನು ಓದಲು ವೆಬ್ ದುನಿಯಾ ಮೊಬೈಲ್ ಆಪ್ ಡೌನ್ ಲೋಡ್ ಮಾಡಿ
