ಭಾರತೀಯ ಯುವತಿಯ ವಿವಾಹವಾದ ಪಾಕ್ ಕ್ರಿಕೆಟಿಗ ಹಸನ್ ಅಲಿ

ದುಬೈ: ಶೊಯೇಬ್ ಮಲಿಕ್ ನಂತರ ಮತ್ತೊಬ್ಬ ಪಾಕಿಸ್ತಾನ ಕ್ರಿಕೆಟಿಗ ಹಸನ್ ಅಲಿ ಭಾರತೀಯ ಮೂಲದ ಯುವತಿ ಶಮಿಯಾ ಎಂಬವರನ್ನು ದುಬೈನಲ್ಲಿ ನಿನ್ನೆ ವಿವಾಹವಾಗಿದ್ದಾರೆ.

ಸಾನಿಯಾ ಮಿರ್ಜಾ ಪಾಕ್ ಕ್ರಿಕೆಟಿಗ ಶೊಯೇಬ್ ಮಲಿಕ್ ರನ್ನು ವಿವಾಹವಾದ ಸಂದರ್ಭದಲ್ಲಿ ಸಾಕಷ್ಟು ಪರ-ವಿರೋಧ ಅಭಿಪ್ರಾಯಗಳು ಬಂದಿತ್ತು. ಇವರಿಬ್ಬರ ವಿವಾಹವಾದ ಮೇಲೂ ಈಗಲೂ ಭಾರತ-ಪಾಕ್ ವಿಚಾರಗಳಿಗೆ ಟ್ರೋಲ್ ಆಗುತ್ತಲೇ ಇದ್ದಾರೆ.

ಇದೀಗ ಪಾಕ್ ವೇಗಿ ಹಸನ್ ಅಲಿ ಹರ್ಯಾಣ ಮೂಲದ ದುಬೈ ನಿವಾಸಿ ಶಮಿಯಾ ಅರ್ಜೂ ಎಂಬಾಕೆಯನ್ನು ವಿವಾಹವಾಗಿದ್ದಾರೆ.  ದುಬೈನಲ್ಲಿ ನಡೆದ ಸರಳ ನಿಖಾ ಸಮಾರಂಭದಲ್ಲಿ ಕುಟುಂಬಸ್ಥರ ಸಮ್ಮುಖದಲ್ಲಿ ಇವರಿಬ್ಬರೂ ವೈವಾಹಿಕ ಜೀವನಕ್ಕೆ ಕಾಲಿಟ್ಟಿದ್ದಾರೆ.