ಮುಂಬೈ: ಈಗಾಗಲೇ ಕಳಪೆ ಫಾರ್ಮ್ ನಿಂದಾಗಿ ಟ್ವಿಟರ್ ನಲ್ಲಿ ಮನಬಂದಂತೆ ಟ್ರೋಲ್ ಗೊಳಗಾಗಿರುವ ಕನ್ನಡಿಗ ಬ್ಯಾಟ್ಸ್ ಮನ್ ಕೆಎಲ್ ರಾಹುಲ್ ಮತ್ತೊಂದು ಎಡವಟ್ಟು ಮಾಡಿಕೊಂಡಿದ್ದಾರೆ.
ಕರಣ್ ಜೋಹರ್ ನಡೆಸಿಕೊಡುವ ಶೋನಲ್ಲಿ ಕೆಎಲ್ ರಾಹುಲ್ ಮತ್ತು ಹಾರ್ದಿಕ್ ಪಾಂಡ್ಯ, ಟೀಂ ಇಂಡಿಯಾ ನಾಯಕ ವಿರಾಟ್ ಕೊಹ್ಲಿ ತೆಂಡುಲ್ಕರ್ ಗಿಂತಲೂ ಗ್ರೇಟ್ ಎಂದು ಹೇಳಿ ಟ್ವಿಟರ್ ನಲ್ಲಿ ಚೆನ್ನಾಗಿಯೇ ಉಗಿಸಿಕೊಂಡಿದ್ದಾರೆ.
ಕರಣ್ ಶೋನಲ್ಲಿ ತೆಂಡುಲ್ಕರ್ ಮತ್ತು ಕೊಹ್ಲಿ. ಇವರಿಬ್ಬರಲ್ಲಿ ಗ್ರೇಟ್ ಬ್ಯಾಟ್ಸ್ ಮನ್ ಯಾರು ಎಂದು ಪ್ರಶ್ನೆ ಮಾಡುತ್ತಾರೆ. ಇದಕ್ಕೆ ಇಬ್ಬರೂ ಥಟ್ಟನೆ ಕೊಹ್ಲಿ ಹೆಸರು ಹೇಳುತ್ತಾರೆ. ಇಬ್ಬರಿಗೂ ವಿರಾಟ್ ಬೇಕಾದಷ್ಟು ಅವಕಾಶ ನೀಡಿದ್ದಾರೆ. ಹೀಗಾಗಿ ಇಬ್ಬರೂ ಕೊಹ್ಲಿ ಹೆಸರು ಹೇಳಿದ್ದರಲ್ಲಿ ಅಚ್ಚರಿಯೇನೂ ಇಲ್ಲ ಎಂದು ಕೆಲವರು ಕಾಲೆಳೆದಿದ್ದರೆ ಇನ್ನು ಕೆಲವರು ಇವರಿಬ್ಬರೂ ಬ್ಯಾಟ್ಸ್ ಮನ್ ಗಳಾಗಿ ಯಾಕೆ ಇಷ್ಟೊಂದು ಪರದಾಡುತ್ತಿದ್ದಾರೆ ಎಂದು ಈಗ ಗೊತ್ತಾಯಿತು ಎಂದಿದ್ದಾರೆ.
ಮತ್ತೆ ಕೆಲವರು ವ್ಯಂಗ್ಯ ಚಿತ್ರಗಳ ಮೂಲಕ ಇಬ್ಬರಿಗೂ ಬೆಂಡೆತ್ತಿದ್ದಾರೆ. ಅಂತೂ ಕ್ರಿಕೆಟ್ ಲೋಕದ ದೇವರು ಎಂದೇ ಪರಿಗಣಿತವಾಗಿರುವ ಸಚಿನ್ ಗಿಂತ ಕೊಹ್ಲಿಯನ್ನು ಹೊಗಳಲು ಹೋಗಿ ಇಬ್ಬರೂ ಚೆನ್ನಾಗಿಯೇ ಟೀಕೆಗೊಳಗಾಗಿದ್ದಾರೆ.
ತಾಜಾ ಸುದ್ದಿಗಳನ್ನು ಓದಲು ವೆಬ್ ದುನಿಯಾ ಮೊಬೈಲ್ ಆಪ್ ಡೌನ್ ಲೋಡ್ ಮಾಡಿ