ಕೆಎಲ್ ರಾಹುಲ್ ಮೇಲಿನ ವಿರಾಟ್ ಕೊಹ್ಲಿ ಪ್ರೇಮ ನೋಡಿ ಕಣ್ಣೀರು ಹಾಕುತ್ತಾ ತವರಿಗೆ ಓಡಿದ್ರಂತೆ ಅನುಷ್ಕಾ ಶರ್ಮಾ!

ಸಿಡ್ನಿ: ಮತ್ತೊಂದು ಕಳಪೆ ಪ್ರದರ್ಶನದ ನಂತರ ಟೀಂ ಇಂಡಿಯಾ ಆರಂಭಿಕ ಕೆಎಲ್ ರಾಹುಲ್ ವಿರುದ್ಧ ಟ್ವಿಟರಿಗರು ಹಿಗ್ಗಾ ಮುಗ್ಗಾ ಛೀಮಾರಿ ಹಾಕಿದ್ದಾರೆ.

ರಾಹುಲ್ ವಿರುದ್ಧ ಮನಬಂದಂತೆ ಕಾಲೆಳೆದಿರುವ ಟ್ವಿಟರಿಗರು, ಕಾಂಗ್ರೆಸ್ ಅಧ್ಯಕ್ಷ ರಾಹುಲ್ ಗಾಂಧಿಗೂ ಹೋಲಿಕೆ ಮಾಡಿ ವ್ಯಂಗ್ಯ ಮಾಡಿದ್ದಾರೆ. ಇನ್ನು, ಕೆಲವರು ರಾಹುಲ್ ಎಂದು ಹೆಸರಿಟ್ಟುಕೊಂಡವರೆಲ್ಲಾ ದ್ರಾವಿಡ್ ಆಗಲ್ಲ ಎಂದು ಆಕ್ರೋಶ ವ್ಯಕ್ತಪಡಿಸಿದ್ದಾರೆ.

ಒಬ್ಬರಂತೂ ಕೆಎಲ್ ರಾಹುಲ್ ಕಳಪೆ ಫಾರ್ಮ್ ನ ಹೊರತಾಗಿಯೂ ಪದೇ ಪದೇ ಅವರಿಗೆ ಅವಕಾಶ ನೀಡುತ್ತಿರುವುದಕ್ಕೆ ನಾಯಕ ವಿರಾಟ್ ಕೊಹ್ಲಿ ಮೇಲೆ ವಿಶಿಷ್ಟವಾಗಿ ಕಿಡಿ ಕಾರಿದ್ದಾರೆ. ರಾಹುಲ್ ಮೇಲೆ ವಿರಾಟ್ ಪ್ರೇಮ ನೋಡಿ ಆಸ್ಟ್ರೇಲಿಯಾದಲ್ಲಿದ್ದ ಅನುಷ್ಕಾ ಕಣ್ಣೀರು ಹಾಕುತ್ತಾ ತವರಿಗೆ ಓಡಿ ಹೋಗಿದ್ದಾರೆ ಎಂದು ಲೇವಡಿ ಮಾಡಿದ್ದಾರೆ.

ನಾಲ್ಕನೇ ಟೆಸ್ಟ್ ನಲ್ಲಿ 9 ರನ್ ಗೆ ಔಟಾದ ರಾಹುಲ್ ನೋಡಿ, ಇವರಿಗಿಂತ ಒಳ್ಳೆಯ ಬ್ಯಾಟ್ಸ್ ಮನ್ ಗಳು ಭಾರತದಲ್ಲಿ ಬೇರೆ ಯಾರೂ ಇಲ್ಲವೇ ಎಂದು ಪ್ರಶ್ನೆ ಮಾಡಿದ್ದಾರೆ. ಅಷ್ಟೇ ಅಲ್ಲ, ಐದು ನಿಮಿಷ ತಡವಾಗಿ ಎದ್ದೆ. ಅದಕ್ಕೇ ಬ್ಯಾಟಿಂಗ್ ಲೆಜೆಂಡ್ ರಾಹುಲ್ ಬ್ಯಾಟಿಂಗ್ ಮಿಸ್ ಆಯ್ತು ಎಂದು ವ್ಯಂಗ್ಯ ಮಾಡಿದ್ದಾರೆ. ಅಂತೂ ಕಳಪೆ ಫಾರ್ಮ್ ನಿಂದಾಗಿ ರಾಹುಲ್ ಟ್ವಿಟರ್ ನಲ್ಲಿ ರೋಸ್ಟ್ ಆಗಿದ್ದಾರೆ.

ತಾಜಾ ಸುದ್ದಿಗಳನ್ನು ಓದಲು ವೆಬ್ ದುನಿಯಾ ಮೊಬೈಲ್ ಆಪ್ ಡೌನ್ ಲೋಡ್ ಮಾಡಿ