ನವದೆಹಲಿ: ಈ ವರ್ಷ ಟಿ20 ವಿಶ್ವಕಪ್ ಇರುವುದರಿಂದ ಟಿ20 ಮಾದರಿಯ ಕ್ರಿಕೆಟ್ ನಮಗೆ ಮುಖ್ಯ. ಏಕದಿನ ಅಷ್ಟೊಂದು ಮುಖ್ಯವಲ್ಲ ಎಂಬರ್ಥದಲ್ಲಿ ಟೀಂ ಇಂಡಿಯಾ ನಾಯಕ ವಿರಾಟ್ ಕೊಹ್ಲಿ ಕಳೆದ ನ್ಯೂಜಿಲೆಂಡ್ ಸರಣಿಯ ವೇಳೆ ಹೇಳಿಕೆ ನೀಡಿದ್ದರು.
ಕೊಹ್ಲಿಯ ಆ ಹೇಳಿಕೆಗೆ ಈಗ ಮಾಜಿ ವೇಗಿ ಆಶಿಶ್ ನೆಹ್ರಾ ತಿರುಗೇಟು ನೀಡಿದ್ದಾರೆ. ಟಿ20 ಮಾದರಿಯೇ ಮುಖ್ಯವಾಗಿದ್ದರೆ ಏಕದಿನ ಪಂದ್ಯಗಳನ್ನು ಯಾಕೆ ಆಡುತ್ತೀರಿ ಎಂದು ನೆಹ್ರಾ ಆಕ್ರೋಶ ವ್ಯಕ್ತಪಡಿಸಿದ್ದಾರೆ.
ಭಾರತ ತಂಡ ಇನ್ನೂ ಆಸ್ಟ್ರೇಲಿಯಾ, ವಿಂಡೀಸ್ ನ ಹಳೆಯ ತಂಡದಷ್ಟು ಪ್ರಬಲವಾಗಿಲ್ಲ. ಅದಕ್ಕೆ ಕಾರಣ ಇಲ್ಲಿ ಅರ್ಹ ಆಟಗಾರರಿಗೆ ದೀರ್ಘ ಕಾಲದವರೆಗೆ ಅವಕಾಶ, ಪ್ರೋತ್ಸಾಹ ಕೊಡುತ್ತಿಲ್ಲ. ಒಂದು ವೇಳೆ ನಿಮಗೆ ಈ ವರ್ಷವಿಡೀ ಟಿ20 ಪಂದ್ಯವೇ ಮುಖ್ಯವಾಗಿದ್ದರೆ ಏಕದಿನ ಪಂದ್ಯಗಳನ್ನು ಯಾಕೆ ಆಡುತ್ತೀರಿ? ಕೊಹ್ಲಿಯ ಆ ಹೇಳಿಕೆಗೆ ನನ್ನ ಪೂರ್ಣ ವಿರೋಧವಿದೆ ಎಂದು ನೆಹ್ರಾ ಹೇಳಿದ್ದಾರೆ.
