Publish Date: Sat, 20 Aug 2022 (16:19 IST)
Updated Date: Sat, 20 Aug 2022 (16:22 IST)
ಹರಾರೆ: ಭಾರತ ಮತ್ತು ಜಿಂಬಾಬ್ವೆ ನಡೆಯುತ್ತಿರುವ ದ್ವಿತೀಯ ಏಕದಿನ ಪಂದ್ಯದಲ್ಲಿ ಮೊದಲು ಬ್ಯಾಟಿಂಗ್ ಮಾಡಿದ ಜಿಂಬಾಬ್ವೆ 161 ರನ್ ಗೆ ಆಲೌಟ್ ಆಗಿದೆ.
ಜಿಂಬಾಬ್ವೆ ಪರ ಸೀನ್ ವಿಲಿಯಮ್ಸ್ 42, ರಾನ್ ಬುರ್ಲ್ 39 ರನ್ ಗಳಿಸಿದರು. ಭಾರತದ ಪರ ದೀಪಕ್ ಚಹರ್ ಬದಲಿಗೆ ಸ್ಥಾನ ಪಡೆದುಕೊಂಡ ಶ್ರಾದ್ಧೂಲ್ ಠಾಕೂರ್ 3 ವಿಕೆಟ್ ಕಬಳಿಸಿ ಮಿಂಚಿದರು.
ಉಳಿದಂತೆ ಮೊಹಮ್ಮದ್ ಸಿರಾಜ್, ಪ್ರಸಿದ್ಧ ಕೃಷ್ಣ, ಅಕ್ಸರ್ ಪಟೇಲ್, ಕುಲದೀಪ್ ಯಾದವ್, ದೀಪಕ್ ಹೂಡಾ ತಲಾ 1 ವಿಕೆಟ್ ತಮ್ಮದಾಗಿಸಿಕೊಂಡರು. ಅಂತಿಮವಾಗಿ ಜಿಂಬಾಬ್ವೆ 38.1 ಓವರ್ ಗಳಲ್ಲಿ ಇನಿಂಗ್ಸ್ ಕೊನೆಗೊಳಿಸಿತು.
