ಲಂಡನ್: ಎಸೆಕ್ಸ್ ವಿರುದ್ ಅಭ್ಯಾಸ ಪಂದ್ಯದ ಸಂದರ್ಭದಲ್ಲಿ ಟೀಂ ಇಂಡಿಯಾಗೆ ಚಿಯರ್ ಅಪ್ ಮಾಡಲು ವಿಜಯ್ ಮಲ್ಯ ಬಂದಿದ್ದರೇ? ವಿಜಯ್ ಮಲ್ಯ ಜತೆ ಕೊಹ್ಲಿ ಫೋಟೋ ತೆಗೆಸಿಕೊಂಡರೇ?
ಇಂತಹದ್ದೊಂದು ಅನುಮಾನ ಹುಟ್ಟಲು ಕಾರಣ ಇದೀಗ ಇಂಟರ್ನೆಟ್ ನಲ್ಲಿ ಹರಿದಾಡುತ್ತಿರುವ ಒಂದು ಫೋಟೋ. ಅಷ್ಟಕ್ಕೂ ಅಲ್ಲಿ ಕೊಹ್ಲಿ ಜತೆಗೆ ಫೋಟೋ ತೆಗೆಸಿಕೊಂಡಿದ್ದು ಸಾಲ ಮಾಡಿ ತಲೆಮರೆಸಿಕೊಂಡು ಲಂಡನ್ ನಲ್ಲಿ ಕಳೆಯುತ್ತಿರುವ ಮದ್ಯ ದೊರೆ ವಿಜಯ್ ಮಲ್ಯ ಅಲ್ಲ.
ಅಭ್ಯಾಸ ಪಂದ್ಯದ ಸಂದರ್ಭದಲ್ಲಿ ಟೀಂ ಇಂಡಿಯಾಗೆ ಚಿಯರ್ ಅಪ್ ಮಾಡಲು ಪಂಜಾಬಿ ಡ್ರೆಸ್ ತೊಟ್ಟುಕೊಂಡು ಕೆಲವರು ಬಾಂಗ್ರಾ ನೃತ್ಯ ಮಾಡಿ ಗಮನ ಸೆಳೆದಿದ್ದರು. ಈ ವೃಂದದವರೊಂದಿಗೆ ಕೊಹ್ಲಿ ಫೋಟೋ ತೆಗೆಸಿಕೊಂಡಿದ್ದಾರೆ.
ಹೀಗೆ ಈ ಗುಂಪಿನವರ ಜತೆಗೆ ವಿಜಯ್ ಮಲ್ಯರನ್ನೇ ಹೋಲುವ ವ್ಯಕ್ತಿಯೊಬ್ಬ ಇದ್ದ. ಈತನನ್ನು ನೋಡಿ ನೆಟ್ಟಿಗರು ಭಾರೀ ಕನ್ ಫ್ಯೂಸ್ ಆಗಿದ್ದಾರೆ.
ತಾಜಾ ಸುದ್ದಿಗಳನ್ನು ಓದಲು ವೆಬ್ ದುನಿಯಾ ಮೊಬೈಲ್ ಆಪ್ ಡೌನ್ ಲೋಡ್ ಮಾಡಿಕೊಳ್ಳಿ.
