Virat Kohli: ಲಂಡನ್ ನಲ್ಲಿ ಸೆಟಲ್ ಆದ ಮೇಲೆ ವಿರಾಟ್ ಕೊಹ್ಲಿ ಬ್ಯಾಟಿಂಗ್ ಮರೆತಿದ್ದಾರೆ

Photo Credit: X

ಮುಂಬೈ: ನ್ಯೂಜಿಲೆಂಡ್ ವಿರುದ್ಧ ಟೆಸ್ಟ್ ಸರಣಿಯಲ್ಲಿ ವೈಟ್ ವಾಶ್ ಅವಮಾನ ಎದುರಿಸಿದ ಮೇಲೆ ಟೀಂ ಇಂಡಿಯಾ ಸ್ಟಾರ್ ಕ್ರಿಕೆಟಿಗ ವಿರಾಟ್ ಕೊಹ್ಲಿ ಮತ್ತು ರೋಹಿತ್ ಶರ್ಮಾ ಬ್ಯಾಟಿಂಗ್ ಫಾರ್ಮ್ ಬಗ್ಗೆ ಸಾಕಷ್ಟು ಟೀಕೆ ಕೇಳಿಬಂದಿದೆ.

ಅದರಲ್ಲೂ ವಿಶ್ವ ಕ್ರಿಕೆಟ್ ನ ಕಿಂಗ್ ಎಂದು ಕರೆಯಿಸಿಕೊಳ್ಳುವ ವಿರಾಟ್ ಕೊಹ್ಲಿ ಇತ್ತೀಚೆಗೆ ಬ್ಯಾಟಿಂಗ್ ನ್ನೇ ಮರೆತಿದ್ದಾರೆ. ತಮ್ಮ ಮಗನ ಜನನದ ನಂತರ ಕೊಹ್ಲಿ ಲಂಡನ್ ನಲ್ಲಿಯೇ ಬೀಡುಬಿಟ್ಟಿದ್ದಾರೆ. ಇದಾದ ಬಳಿಕ ಅವರು ಬ್ಯಾಟಿಂಗ್ ನ್ನೇ ಮರೆತಿದ್ದಾರೆ ಎಂದು ಅನೇಕರು ಅಭಿಪ್ರಾಯಪಡುತ್ತಿದ್ದಾರೆ.

ಕುಟುಂಬ ಮತ್ತು ವೃತ್ತಿ ಬದುಕಿನ ನಡುವೆ ಸಮತೋಲನ ನಡೆಸುವುದರಲ್ಲಿ ಕೊಹ್ಲಿ ಸೋಲುತ್ತಿದ್ದಾರೆಯೇ ಎಂಬ ಅನುಮಾನ ಮೂಡಿದೆ. ಕೇವಲ ಕ್ರಿಕೆಟ್ ಸರಣಿಗಳಿಗಾಗಿ ಮಾತ್ರ ಭಾರತಕ್ಕೆ ಬರುವ ಕೊಹ್ಲಿ ಉಳಿದೆಲ್ಲಾ ಸಮಯಗಳನ್ನು ಲಂಡನ್ ನಲ್ಲಿಯೇ ಪತ್ನಿ ಮಕ್ಕಳೊಂದಿಗೆ ಕಳೆಯುತ್ತಿದ್ದಾರೆ.

ವಿರಾಟ್ ಕೊಹ್ಲಿ ಶತಕ ಸಿಡಿಸುವುದಿರಲಿ, ಅವರ ಎಂದಿನ ಶೈಲಿಯ ಆಟ ಕಾಣದೇ ಎಷ್ಟೋ ಸಮಯವಾಗಿದೆ. ಹೀಗಾಗಿಯೇ ಕೌಟುಂಬಿಕ ಬದುಕಿನ ಜಂಜಾಟಗಳಲ್ಲಿ ತಮ್ಮ ಕ್ರಿಕೆಟ್ ಅಭ್ಯಾಸವನ್ನೇ ಮರೆತಿದ್ದಾರೆಯೇ ಎಂಬ ಅನುಮಾನ ಮೂಡಿದೆ. ಈಗಲೇ ಅವರ ನಿವೃತ್ತಿಗೆ ಒತ್ತಾಯಗಳು ಕೇಳಿಬರುತ್ತಿವೆ. ಮುಂದೆ ಆಸ್ಟ್ರೇಲಿಯಾ ವಿರುದ್ಧ ಮಹತ್ವದ ಟೆಸ್ಟ್ ಸರಣಿಯಿದ್ದು ಆಗಲೂ ಫ್ಲಾಪ್ ಆದಲ್ಲಿ ಅವರು ಇಷ್ಟು ದಿನ ಗಳಿಸಿದ ಪ್ರತಿಷ್ಠೆಯೆಲ್ಲವೂ ಕರಗಿ ಹೋಗಲಿದೆ.