ನೀವೇನಾದ್ರೂ ಮಾಡ್ಕೊಳ್ಳಿ ಅಂತ ಲಂಡನ್ ವಿಮಾನವೇರಿದರಂತೆ ವಿರಾಟ್ ಕೊಹ್ಲಿ

ಮುಂಬೈ: ನ್ಯೂಜಿಲೆಂಡ್ ವಿರುದ್ಧ ಟೀಂ ಇಂಡಿಯಾ ಟೆಸ್ಟ್ ಸರಣಿಯಲ್ಲಿ ಹೀನಾಯ ಸೋಲು ಅನುಭವಿಸಿದ ಮೇಲೆ ವಿರಾಟ್ ಕೊಹ್ಲಿ ಬಗ್ಗೆ ಸೋಷಿಯಲ್ ಮೀಡಿಯಾದಲ್ಲಿ ನಾನಾ ರೀತಿಯ ಟ್ರೋಲ್ ಗಳು ಕಂಡುಬರುತ್ತಿವೆ.

ಇತ್ತೀಚೆಗೆ ವಿರಾಟ್ ಕೊಹ್ಲಿ ಭಾರತಕ್ಕಿಂತ ಲಂಡನ್ ನಲ್ಲಿಯೇ ನೆಲೆಸಿದ್ದಾರೆ. ಮಗನ ಜನನದ ಬಳಿಕ ಪತ್ನಿ, ಮಕ್ಕಳೊಂದಿಗೆ ಲಂಡನ್ ವಾಸಿಯಾಗಿರುವ ಕೊಹ್ಲಿ ಕ್ರಿಕೆಟ್ ಸರಣಿಯಿರುವಾಗ ಮಾತ್ರ ಭಾರತಕ್ಕೆ ಬರುತ್ತಾರೆ. ಇದನ್ನೇ ಮುಂದಿಟ್ಟುಕೊಂಡು ನೆಟ್ಟಿಗರು ಕೊಹ್ಲಿಯನ್ನು ಇನ್ನಿಲ್ಲದಂತೆ ರೋಸ್ಟ್ ಮಾಡಿದ್ದಾರೆ.

ವಿರಾಟ್ ಕೊಹ್ಲಿ ಪಾರ್ಟ್ ಟೈಂ ಭಾರತೀಯ, ಫುಲ್ ಟೈಂ ಅನಿವಾಸಿ ಭಾರತೀಯ ಎಂದು ಕೆಲವರು ತಮಾಷೆ ಮಾಡಿದ್ದಾರೆ. ಮತ್ತೆ ಕೆಲವರು ವಿಮಾನ ನಿಲ್ದಾಣದಲ್ಲಿ ಕೊಹ್ಲಿ ಬ್ಯಾಗ್ ಏರಿಸಿಕೊಂಡು ಹೋಗುವ ಫೋಟೋಗಳನ್ನು ಹಂಚಿ ‘ಸರಣಿ ಸೋತಿದ್ದಕ್ಕೆ ನೀವು ಏನಾದ್ರೂ ಮಾಡ್ಕೊಳ್ಳಿ, ನಾನು ಲಂಡನ್ ಗೆ ಹೋಗ್ತೀನಿ, ಬೈ ಬೈ’ ಎಂದು ಕೊಹ್ಲಿ ಹೇಳುತ್ತಿರುವಂತೆ ಮೆಮೆಗಳನ್ನು ಹರಿಯಬಿಟ್ಟು ಟ್ರೋಲ್ ಮಾಡಿದ್ದಾರೆ.

ಟ್ರೋಲರ್ ಗಳು ಹೇಳುವಂತೆಯೇ ವಿರಾಟ್ ಕೊಹ್ಲಿ ಯಾವಾಗ ಲಂಡನ್ ಮತ್ತು ಭಾರತದ ನಡುವೆ ಓಡಾಟ ಶುರು ಮಾಡಿದರೋ ಅಂದಿನಿಂದ ಬ್ಯಾಟಿಂಗ್ ಪಾತಾಳ ತಲುಪಿದೆ. ಇತ್ತೀಚೆಗೆ ಅವರ ಬ್ಯಾಟಿಂಗ್ ನಲ್ಲಿ ಮೊದಲಿನ ಝಲಕ್ ಕಾಣುತ್ತಿಲ್ಲ. ಹೀಗಾಗಿ ಅವರನ್ನು ನೆಟ್ಟಿಗರು ಟ್ರೋಲ್ ಮಾಡಿದ್ದು, ನಿವೃತ್ತಿಯಾಗಿ ಪರ್ಮನೆಂಟ್ ಆಗಿ ಲಂಡನ್ ನಲ್ಲಿಯೇ ಇದ್ದು ಬಿಡಿ ಎನ್ನುತ್ತಿದ್ದಾರೆ.