ಮುಂಬೈ: ಈ ವರ್ಷ ಟೀಂ ಇಂಡಿಯಾ ಬಿಡುವಿಲ್ಲದ ವೇಳಾಪಟ್ಟಿ ಹೊಂದಿದೆ. ಈ ಪಟ್ಟಿಯಲ್ಲಿ ಆಸ್ಟ್ರೇಲಿಯಾ, ವೆಸ್ಟ್ ಇಂಡೀಸ್, ನ್ಯೂಜಿಲೆಂಡ್ ಸೇರಿದಂತೆ ಘಟಾನುಘಟಿ ತಂಡಗಳ ಜೊತೆ ಸೆಣಸಾಟವಿದೆ.
ಇದರ ಜೊತೆಗೆ ಆಗಸ್ಟ್ ನಲ್ಲಿ ಕ್ರಿಕೆಟ್ ಶಿಶು ಜಿಂಬಾಬ್ವೆ ವಿರುದ್ಧ ಸರಣಿ ಆಡಲು ಆ ದೇಶಕ್ಕೆ ಪ್ರವಾಸ ಮಾಡಲಿದೆ ಎಂಬ ಸುದ್ದಿಯಿದೆ.
ಜಿಂಬಾಬ್ವೆನಲ್ಲಿ ಮೂರು ಪಂದ್ಯಗಳ ಏಕದಿನ ಸರಣಿ ಆಡಲು ಟೀಂ ಇಂಡಿಯಾ ತೆರಳಲಿದೆಯಂತೆ. ಆಗಸ್ಟ್ 18 ರಿಂದ 22 ರವರೆಗೆ ಸರಣಿ ನಡೆಯಲಿದೆ. ಆದರೆ ಈ ಬಗ್ಗೆ ಇನ್ನೂ ಅಧಿಕೃತ ಪ್ರಕಟಣೆ ಹೊರಬಂದಿಲ್ಲ.
