ರೋಹಿತ್, ಕೊಹ್ಲಿ ಇಲ್ಲದೇ ಇದ್ರೂ ಟೀಂ ಇಂಡಿಯಾ ಸ್ಟ್ರಾಂಗ್ ಎಂದ ಆಫ್ರಿಕಾ ನಾಯಕ

ನವದೆಹಲಿ: ದ.ಆಫ್ರಿಕಾ ವಿರುದ್ಧ ಪ್ರಮುಖ ಆಟಗಾರರಾದ ವಿರಾಟ್ ಕೊಹ್ಲಿ, ರೋಹಿತ್ ಶರ್ಮಾ, ಜಸ್ಪ್ರೀತ್ ಬುಮ್ರಾ ಇಲ್ಲದೇ ಟೀಂ ಇಂಡಿಯಾ ಟಿ20 ಸರಣಿಯಾಡಲಿದೆ.

ಈ ಸರಣಿಗೆ ಮುನ್ನ ಮಾಧ‍್ಯಮಗಳೊಂದಿಗೆ ಮಾತನಾಡಿರುವ ದ.ಆಫ್ರಿಕಾ ನಾಯಕ ಬವುಮಾ, ಹಿರಿಯ ಆಟಗಾರರಾದ ರೋಹಿತ್, ಕೊಹ್ಲಿ ಇಲ್ಲದೇ ಹೋದರೂ ಟೀಂ ಇಂಡಿಯಾ ಸ್ಟ್ರಾಂಗ್ ಆಗಿದೆ. ಇದನ್ನು ಬಿ ತಂಡ ಎಂದು ಪರಿಗಣಿಸಲ್ಲ ಎಂದಿದ್ದಾರೆ.

ಟೀಂ ಇಂಡಿಯಾದಲ್ಲಿ ಐಪಿಎಲ್ ನ ಅನೇಕ ಪ್ರತಿಭಾವಂತರಿದ್ದಾರೆ. ಈಗಲೂ ಅದು ಪ್ರಬಲ ತಂಡವೇ. ಕೊಹ್ಲಿ, ರೋಹಿತ್ ಇಲ್ಲದೇ ಹೋದರೂ ತಂಡದಲ್ಲಿ ಅವರಂತೆ ಹೋರಾಟದ ಮನೋಬಲದ ಆಟಗಾರರೇ ಇದ್ದಾರೆ ಎಂದು ಬವುಮಾ ಹೇಳಿದ್ದಾರೆ.