ವಡೋದರಾ: ಡಬ್ಲ್ಯುಪಿಎಲ್ 3 ನೇ ಆವೃತ್ತಿಯ ಮೊದಲ ಪಂದ್ಯದಲ್ಲಿ ಹಾಲಿ ಚಾಂಪಿಯನ್ ಆರ್ ಸಿಬಿ ವಿರುದ್ಧ ಅತಿಥೇಯ ಗುಜರಾತ್ ಜೈಂಟ್ಸ್ 201 ರನ್ ಗಳ ದೊಡ್ಡ ಮೊತ್ತ ಕಲೆ ಹಾಕಿದೆ. ಆರ್ ಸಿಬಿಯನ್ನು ಗುಜರಾತ್ ಕ್ಯಾಪ್ಟನ್ ಆಶ್ಲೇ ಗಾರ್ಡನರ್ ಅಕ್ಷರಶಃ ಗ್ರೈಂಡ್ ಮಾಡಿದರು.
ಇಂದು ಟಾಸ್ ಗೆದ್ದ ಆರ್ ಸಿಬಿ ಮೊದಲು ಫೀಲ್ಡಿಂಗ್ ಆಯ್ದುಕೊಂಡಿತು. ಅದಕ್ಕೆ ತಕ್ಕಂತೇ ಮೊದಲ 10 ಓವರ್ ಗಳಲ್ಲಿ ಆರ್ ಸಿಬಿ ಬೌಲರ್ ಗಳು ಎದುರಾಳಿಗಳ ಮೇಲೆ ನಿಯಂತ್ರಣ ಸಾಧಿಸುವಲ್ಲಿ ಯಶಸ್ವಿಯಾಗಿದ್ದರು. ಆದರೆ ಆಶ್ಲೇ ಗಾರ್ಡನರ್ ಮೈದಾನಕ್ಕಿಳಿದ ಮೇಲೆ ಗುಜರಾತ್ ಬ್ಯಾಟಿಂಗ್ ಗೇರ್ ಬದಲಾಯಿಸಿಕೊಂಡಿತು.
ಒಟ್ಟು 37 ಎಸೆತ ಎದುರಿಸಿದ ಗಾರ್ಡನರ್ 8 ಸಿಕ್ಸರ್ ಗಳ ನೆರವಿನಿಂದ ಅಜೇಯ 79 ರನ್ ಚಚ್ಚಿದರು. ಅವರ ಬೀಡು ಬೀಸಾದ ಇನಿಂಗ್ಸ್ ನಿಂದಾಗಿ ಗುಜರಾತ್ 15 ಓವರ್ ಗಳಲ್ಲೇ 139 ರನ್ ಗಳನ್ನು ದಾಟಿತ್ತು. ಗಾರ್ಡನರ್ ಅಬ್ಬರಕ್ಕೆ ಆರ್ ಸಿಬಿ ಬೌಲರ್ ಗಳು ಒತ್ತಡಕ್ಕೊಳಗಾದರು.
ಇದಕ್ಕೆ ಮೊದಲು ಆರಂಭಿಕರಾಗಿ ಕಣಕ್ಕಿಳಿದಿದ್ದ ಬೆತ್ ಮೂನಿ 56 ರನ್ ಸಿಡಿಸಿ ಉತ್ತಮ ಅಡಿಪಾಯ ಹಾಕಿಕೊಟ್ಟಿದ್ದರು. ಆರ್ ಸಿಬಿ ಪರ ರೇಣುಕಾ ಸಿಂಗ್ 2, ಕನಿಕಾ ಅಹುಜಾ, ಗಾರ್ಜ್ ವಾರೆಹಾಮ್, ಪ್ರೇಮಾ ರಾವತ್ ತಲಾ 1 ವಿಕೆಟ್ ತಮ್ಮದಾಗಿಸಿಕೊಂಡರು.
