ಮುಂಬೈ: ಬಿಸಿಸಿಐ ನೂತನ ಅಧ್ಯಕ್ಷರಾಗಿ ನಿಯೋಜನೆಗೊಳ್ಳಲಿರುವ ಮಾಜಿ ನಾಯಕ ಸೌರವ್ ಗಂಗೂಲಿ ಮೊದಲ ಹೆಜ್ಜೆ ಪಾಸ್ ಮಾಡಿದ್ದಾರೆ.
ಬಿಸಿಸಿಐ ಚುನಾವಣಾಧಿಕಾರಿ ಎನ್ ಗೋಪಾಲಸ್ವಾಮಿ ಅಧ್ಯಕ್ಷ ಪದವಿಗೆ ಸಲ್ಲಿಸಿದ್ದ ನಾಮಪತ್ರವನ್ನು ಅಂಗೀಕರಿಸಿದ್ದಾರೆ. ಹೀಗಾಗಿ ಗಂಗೂಲಿ ಮೊದಲ ಹೆಜ್ಜೆ ಪಾಸಾದಂತಾಗಿದೆ.
ಈ ಹುದ್ದೆಗೆ ನಾಮಪತ್ರ ಸಲ್ಲಿಸಿದ ಏಕಮಾತ್ರ ಅಭ್ಯರ್ಥಿ ಗಂಗೂಲಿ. ಹೀಗಾಗಿ ಗಂಗೂಲಿ ಆಯ್ಕೆ ಇದೀಗ ಮತ್ತಷ್ಟು ಖಚಿತವಾಗಿದೆ. ಸೋಮವಾರ ಅವರು ನಾಮಪತ್ರ ಸಲ್ಲಿಸಿದ್ದರು. ಅಕ್ಟೋಬರ್ 23 ರಂದು ಅಧಿಕೃತ ಘೋಷಣೆ ನಡೆಯಲಿದೆ.
