ಪುಣೆ: ಟೀಂ ಇಂಡಿಯಾ ನಾಯಕ ರೋಹಿತ್ ಶರ್ಮಾ ಮತ್ತು ಮಹಿಳಾ ಅಭಿಮಾನಿಯೊಬ್ಬರು ನಡೆಸಿದ ಸಂಭಾಷಣೆಯ ವಿಡಿಯೋವೊಂದು ಈಗ ಸೋಷಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದೆ. ಪುಣೆಯಲ್ಲಿ ಈ ಘಟನೆ ನಡೆದಿದೆ.
ಪುಣೆಯಲ್ಲಿ ನಾಳೆಯಿಂದ ನ್ಯೂಜಿಲೆಂಡ್ ವಿರುದ್ಧ ಎರಡನೇ ಟೆಸ್ಟ್ ಪಂದ್ಯಕ್ಕೆ ಟೀಂ ಇಂಡಿಯಾ ಪ್ರಾಕ್ಟೀಸ್ ನಡೆಸುತ್ತಿದೆ. ಪ್ರಾಕ್ಟೀಸ್ ವೇಳೆ ಕ್ರಿಕೆಟಿಗರನ್ನು ನೋಡಲು ಸಾಕಷ್ಟು ಅಭಿಮಾನಿಗಳು ಬರುತ್ತಾರೆ. ಅದರಂತೇ ಇಂದೂ ರೋಹಿತ್ ಬಳಗದ ಅಭ್ಯಾಸ ನೋಡಲು ಅಭಿಮಾನಿಗಳು ಬಂದಿದ್ದರು.
ಈ ಪೈಕಿ ಒಬ್ಬ ಮಹಿಳೆ ರೋಹಿತ್ ಶರ್ಮಾ ಅಭ್ಯಾಸ ಮುಗಿಸಿ ಮೈದಾನದಿಂದ ತೆರಳುತ್ತಿರುವಾಗ ಅಟೋಗ್ರಾಫ್ ಗೆ ಬೇಡಿಕೆಯಿಟ್ಟಿದ್ದಾರೆ. ‘ರೋಹಿತ್ ಪ್ಲೀಸ್ ನನಗೆ ಬೇಗ ಅಟೋಗ್ರಾಫ್ ಕೊಡಿ, ತುಂಬಾ ಹಸಿವಾಗುತ್ತಿದೆ’ ಎಂದು ಮಹಿಳಾ ಅಭಿಮಾನಿ ಹೇಳಿದ್ದಾರೆ. ಅದಕ್ಕೆ ರೋಹಿತ್ ಓಕೆ ಎಂದು ಹೇಳಿ ಆಕೆಗೆ ಅಟೋಗ್ರಾಫ್ ನೀಡುತ್ತಾರೆ.
ರೋಹಿತ್ ಅಟೋಗ್ರಾಫ್ ನೀಡುತ್ತಿದ್ದಾಗ ಮಹಿಳೆ ‘ವಿರಾಟ್ ಕೊಹ್ಲಿಗೆ ಹೇಳಿ ನಾನು ಅವರ ದೊಡ್ಡ ಅಭಿಮಾನಿ. ಅವರು ಅಭ್ಯಾಸ ಮಾಡುವಾಗಲೂ ನಾನು ಮೈದಾನದಲ್ಲಿದ್ದೆ’ ಎಂದು ಮನವಿ ಮಾಡಿದ್ದಾರೆ. ಇದಕ್ಕೆ ರೋಹಿತ್ ಕೂಡಾ ನಗುತ್ತಲೇ ಆಯ್ತು ಹೇಳ್ತೀನಿ ಎಂದಿದ್ದಾರೆ. ಅವರ ಸಂಭಾಷಣೆಯ ವಿಡಿಯೋ ತುಣುಕು ಇಲ್ಲಿದೆ ನೋಡಿ.
