Photo Courtesy: Instagram
ಮುಂಬೈ ಇಂಡಿಯನ್ಸ್ ತಂಡದ ನಾಯಕತ್ವದಿಂದ ರೋಹಿತ್ ಶರ್ಮಾರನ್ನು ಕೆಳಗಿಳಿಸಿದ್ದಕ್ಕೆ ಕೋಚ್ ಮಾರ್ಕ್ ಬೌಷರ್ ಕಾರಣ ನೀಡಿದ್ದರು. ಈ ವೇಳೆ ಇದು ಕೇವಲ ಕ್ರಿಕೆಟಿಂಗ್ ಕಾರಣಗಳಿಗಾಗಿ ಮಾಡಿದ ಬದಲಾವಣೆ ಎಂದಿದ್ದರು. ಈ ಸಂದರ್ಶನ ವಿಡಿಯೋಗೆ ಕಾಮೆಂಟ್ ಮಾಡಿದ್ದ ರಿತಿಕಾ ಇಲ್ಲಿ ತುಂಬಾ ದೋಷಗಳಿವೆ ಎಂದು ಕಾಮೆಂಟ್ ಮಾಡಿದ್ದರು. ಆ ಮೂಲಕ ಪತಿಗೆ ಬೆಂಬಲಿಸಿ ಕೋಚ್ ಹೇಳಿಕೆಯನ್ನು ವ್ಯಂಗ್ಯ ಮಾಡಿದ್ದರು.
ಮುಂಬೈ ಯಶಸ್ವಿ ನಾಯಕನಿಗೆ ಶಾಕ್ ಕೊಟ್ಟಿದ್ದ ಫ್ರಾಂಚೈಸಿ
ತಂಡಕ್ಕೆ ಗರಿಷ್ಠ ಐಪಿಎಲ್ ಕಿರೀಟ ಗೆದ್ದುಕೊಟ್ಟಿದ್ದ ಯಶಸ್ವೀ ನಾಯಕ ರೋಹಿತ್ ಶರ್ಮಾರನ್ನು ದಿಡೀರ್ ಆಗಿ ನಾಯಕತ್ವದಿಂದ ಕೆಳಗಿಳಿಸಿ ಮುಂಬೈ ಇಂಡಿಯನ್ಸ್ ಫ್ರಾಂಚೈಸಿ ಹಾರ್ದಿಕ್ ಪಾಂಡ್ಯಗೆ ನಾಯಕತ್ವ ನೀಡಿತ್ತು. ಇದು ಅಭಿಮಾನಿಗಳು, ರೋಹಿತ್ ನಿಕಟವರ್ತಿಗಳ ಆಕ್ರೋಶಕ್ಕೆ ಗುರಿಯಾಯಿತು. ಈ ವಿಚಾರದಲ್ಲಿ ರೋಹಿತ್ ಗೂ ಅಸಮಾಧಾನವಿದೆ ಎನ್ನುವುದು ಅವರ ಪತ್ನಿ ರಿತಿಕಾ ಅಸಮಾಧಾನ ವ್ಯಕ್ತಪಡಿಸಿದಾಗಲೇ ಸ್ಪಷ್ಟವಾಗಿತ್ತು.
ಮೊನ್ನೆ ರಿತಿಕಾ, ಇಂದು ರೋಹಿತ್ ಕಾಮೆಂಟ್
ಮೊನ್ನೆಯಷ್ಟೇ ರಿತಿಕಾ ಪತಿಗೆ ಬೆಂಬಲಿಸಿ ಮುಂಬೈ ಕೋಚ್ ಹೇಳಿಕೆಗೆ ಪ್ರತಿಕ್ರಿಯಿಸಿದ್ದು ವೈರಲ್ ಆಗಿತ್ತು. ಇದೀಗ ರೋಹಿತ್ ಶರ್ಮಾ ಪತ್ನಿಯನ್ನು ಬೆಂಬಲಿಸಿ ಇನ್ ಸ್ಟಾಗ್ರಾಂನಲ್ಲಿ ಪೋಸ್ಟ್ ಒಂದನ್ನು ಹಾಕಿದ್ದಾರೆ. ತನ್ನ ಜೊತೆಗೇ ನಡೆದು ಬರುತ್ತಿರುವ ಪತ್ನಿಯ ಫೋಟೋ ಪ್ರಕಟಿಸಿ ‘ಯಾವತ್ತೂ ನನ್ನ ಜೊತೆಗೇ ಇರುತ್ತಾಳೆ’ ಎಂದು ಬರೆದುಕೊಂಡಿದ್ದಾರೆ. ಆ ಮೂಲಕ ಮೊನ್ನೆ ರಿತಿಕಾ ಮಾಡಿದ ಕಾಮೆಂಟ್ ನ್ನು ಪರೋಕ್ಷವಾಗಿ ಬೆಂಬಲಿಸಿದ್ದಾರೆ. ಆದರೆ ಅಭಿಮಾನಿಗಳಿಗೆ ರೋಹಿತ್ ಯಾಕೆ ಇಂತಹದ್ದೊಂದು ಪೋಸ್ಟ್ ಹಾಕಿದ್ದಾರೆ ಎನ್ನುವುದು ಸ್ಪಷ್ಟವಾಗಿದೆ.
