ಶುಬ್ಮನ್ ಗಿಲ್ ತಬ್ಬಿಕೊಂಡಿರುವ ಸಾರಾ ತೆಂಡುಲ್ಕರ್ ಫೋಟೋದ ಅಸಲಿಯತ್ತು ಇಲ್ಲಿದೆ ನೋಡಿ

Photo Courtesy: Twitter

ಮುಂಬೈ: ಇತ್ತೀಚೆಗೆ ಸೋಷಿಯಲ್ ಮೀಡಿಯಾದಲ್ಲಿ ಟೀಂ ಇಂಡಿಯಾ ಕ್ರಿಕೆಟಿಗ ಶುಬ್ಮನ್ ಗಿಲ್ ಮತ್ತು ಸಚಿನ್ ತೆಂಡುಲ್ಕರ್ ಪುತ್ರಿ ಸಾರಾ ತೆಂಡುಲ್ಕರ್ ಡೇಟಿಂಗ್ ಕುರಿತು ನಾನಾ ರೀತಿಯ ಸುದ್ದಿ, ಫೋಟೋಗಳು ಹರಿದಾಡುತ್ತಲೇ ಇವೆ.

ಇದೀಗ ಗಿಲ್ ರನ್ನು ತಬ್ಬಿಕೊಂಡಿರುವ ಸಾರಾ ಫೋಟೋವೊಂದು ಸೋಷಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದೆ. ಈ ಫೋಟೋ ನೋಡಿ ಇದು ನಿಜವೇ ಇರಬೇಕು ಎನ್ನುವಂತಿದೆ. ಆದರೆ ಇದು ನಿಜವಾದ ಫೋಟೋವಲ್ಲ.

ಅಸಲಿ ಫೋಟೋದಲ್ಲಿ ಸಾರಾ ತನ್ನ ಸಹೋದರ ಅರ್ಜುನ್ ತೆಂಡುಲ್ಕರ್ ಅವರನ್ನು ತಬ್ಬಿಕೊಂಡು ಪೋಟ್ ಕೊಟ್ಟಿದ್ದಾರೆ. ಆ ಫೋಟೋಗೆ ಯಾರೋ ಗಿಲ್ ಮುಖವನ್ನು ಎಡಿಟ್ ಮಾಡಿ ನಿಜವೆನ್ನುವಂತೆ ಬಿಂಬಿಸಿದ್ದಾರೆ. ಇಬ್ಬರೂ ಡೇಟಿಂಗ್ ಮಾಡುತ್ತಿದ್ದಾರೆ ಎಂದು ವದಂತಿಗಳಿದ್ದರೂ ಇದುವರೆಗೆ ಸಾರ್ವಜನಿಕವಾಗಿ ಎಲ್ಲೂ ಜೊತೆಯಾಗಿ ಫೋಟೋ ಸಿಗದಂತೆ ನೋಡಿಕೊಂಡಿದ್ದಾರೆ.