Publish Date: Mon, 29 Sep 2025 (09:53 IST)
Updated Date: Mon, 29 Sep 2025 (09:56 IST)
ನವದೆಹಲಿ: ಏಷ್ಯಾ ಕಪ್ ಕ್ರಿಕೆಟ್ ಪಂದ್ಯಾವಳಿಯಲ್ಲಿ ಪಾಕಿಸ್ತಾನವನ್ನು ಸೋಲಿಸಿದ ಟೀಂ ಇಂಡಿಯಾಕ್ಕೆ ಅಭಿನಂದನೆ ಸಲ್ಲಿಸಿದ ಪ್ರಧಾನಿ ಮೋದಿಗೆ ಯೋಧರ ಸಾಹಸವನ್ನು ಕ್ರಿಕೆಟ್ ಪಂದ್ಯಕ್ಕೆ ಹೋಲಿಸಬೇಡಿ ಎಂದು ನೆಟ್ಟಿಗರು ಕಿಡಿ ಕಾರಿದ್ದಾರೆ.
ಏಷ್ಯಾ ಕಪ್ ನಲ್ಲಿ ಭಾರತ ಗೆಲ್ಲುತ್ತಿದ್ದಂತೇ ಟ್ವೀಟ್ ಮಾಡಿದ ಪ್ರಧಾನಿ ಮೋದಿ, ಮೈದಾನದಲ್ಲೂ ಆಪರೇಷನ್ ಸಿಂಧೂರ್. ಫಲಿತಾಂಶ ಒಂದೇ, ಭಾರತವೇ ಗೆದ್ದಿದೆ. ಟೀಂ ಇಂಡಿಯಾ ಕ್ರಿಕೆಟಿಗರಿಗೆ ಅಭಿನಂದನೆಗಳು ಎಂದು ಟ್ವೀಟ್ ಮಾಡಿದ್ದಾರೆ.
ಆದರೆ ಅವರ ಟ್ವೀಟ್ ಗೆ ಕೆಲವರು ಆಕ್ಷೇಪ ವ್ಯಕ್ತಪಡಿಸಿದ್ದಾರೆ. ಯೋಧರು ಪ್ರಾಣ ಪಣವಾಗಿಟ್ಟುಕೊಂಡು ಹೋರಾಡಿದ ಆಪರೇಷನ್ ಸಿಂಧೂರ್ ಗೆ ಕ್ರಿಕೆಟಿಗರು ಆಡುವ ಪಂದ್ಯವನ್ನು ಹೋಲಿಸಬೇಡಿ ಎಂದು ಪ್ರತಿಕ್ರಿಯಿಸಿದ್ದಾರೆ.
ಇನ್ನು ಹಲವರು ಮೋದಿ ಟ್ವೀಟ್ ಗೆ ಅಬ್ಬಾ ಈ ಟ್ವೀಟ್ ಪ್ರಧಾನಿಯೇ ಮಾಡಿದ್ದಾ ಎಂದು ನಮಗೇ ಆಶ್ವರ್ಯವಾಗುತ್ತಿದೆ. ಎಂಥಾ ಡೈನಾಮಿಕ ಪ್ರತಿಕ್ರಿಯೆ ಎಂದು ಹೊಗಳಿದ್ದಾರೆ. ಮತ್ತೆ ಕೆಲವರು ಇದು ಆಪರೇಷನ್ ಸಿಂಧೂರ್ ಅಲ್ಲ ಆಪರೇಷನ್ ತಿಲಕ್ ಎಂದಿದ್ದಾರೆ.