ಹಳೇ ವಿಚಾರ ಹೇಳಿ ಹರ್ಲಿನ್ ಡಿಯೋಲ್ ಗೇ ಅಚ್ಚರಿ ನೀಡಿದ ಪ್ರಧಾನಿ ಮೋದಿ

Photo Credit: X

ನವದೆಹಲಿ: ಮಹಿಳಾ ಏಕದಿನ ವಿಶ್ವಕಪ್ ಗೆದ್ದ ಭಾರತ ತಂಡ ಇಂದು ಪ್ರಧಾನಿ ಮೋದಿಯವರನ್ನು ಭೇಟಿ ಮಾಡಿದೆ. ಈ ವೇಳೆ ಕ್ರಿಕೆಟ್ ಆಟಗಾರ್ತಿ ಹರ್ಲಿನ್ ಡಿಯೋಲ್ ಹಳೇ ವಿಚಾರವೊಂದನ್ನು ಹೇಳಿ ಅವರೇ ಅಚ್ಚರಿಯಾಗುವಂತೆ ಮಾಡಿದ್ದಾರೆ.

ತಮ್ಮ ನಿವಾಸಕ್ಕೆ ಭೇಟಿ ನೀಡಿದ ಕ್ರಿಕೆಟ್ ಆಟಗಾರ್ತಿಯರ ಜೊತೆ ಮೋದಿ ರೌಂಡ್ ಟೇಬಲ್ ಸಂವಾದ ನಡೆಸಿದ್ದಾರೆ. ಈ ವೇಳೆ ನಾಯಕಿ ಹರ್ಮನ್ ಪ್ರೀತ್ ಕೌರ್ ನೀವು ಹೇಗೆ ಯಾವಾಗಲೂ ಪ್ರಸ್ತುತವಾಗಿರುತ್ತೀರಿ ಎಂದು ಪ್ರಶ್ನೆ ಮಾಡಿದ್ದಾರೆ. ಇದಕ್ಕೆ ಉತ್ತರಿಸಿದ ಮೋದಿ ನನಗೆ ಇದು ಅಭ್ಯಾಸವಾಗಿದೆ ಎಂದಿದ್ದಾರೆ.

ಈ ವೇಳೆ ಹರ್ಲಿನ್ ಡಿಯೋಲ್ 2021 ರಲ್ಲಿ ಇಂಗ್ಲೆಂಡ್ ವಿರುದ್ಧದ ಪಂದ್ಯದಲ್ಲಿ ಹಿಡಿದ ಅದ್ಭುತ ಕ್ಯಾಚ್ ಬಗ್ಗೆ ಮೋದಿ ಪ್ರಸ್ತಾಪಿಸುತ್ತಾರೆ. ಆ ಕ್ಯಾಚ್ ವಿಡಿಯೋವನ್ನು ಸ್ವತಃ ಮೋದಿ ಅಂದು ಸೋಷಿಯಲ್ ಮೀಡಿಯಾದಲ್ಲಿ ಪ್ರಕಟಿಸಿದ್ದರು. ಮೋದಿ ಈ ಬಗ್ಗೆ ಪ್ರಸ್ತಾಪಿಸಿದಾಗ ಹರ್ಲಿನ್ ಅಚ್ಚರಿಗೊಳಗಾದರು.

ಇನ್ನು, ಫೈನಲ್ ನಲ್ಲಿ ಕೊನೆಯ ಕ್ಯಾಚ್ ಹಿಡಿದಿದ್ದ ಹರ್ಮನ್ ಆ ಬಾಲ್ ನ್ನು ತಮ್ಮ ಪಾಕೆಟ್ ಒಳಗೆ ಹಾಕಿಕೊಂಡಿದ್ದನ್ನು ಮೋದಿ ಕೇಳಿದರು. ಅದಕ್ಕೆ ಹರ್ಮನ್ ಆ ಬಾಲ್ ಹಿಡಿಯುವ ಅವಕಾಶ ಸಿಕ್ಕಿದ್ದು ಅದೃಷ್ಟ ಎಂದರು. ಇನ್ನು, ಅಮನ್ ಜೋತ್ ಕೌರ್ ಕ್ಯಾಚ್ ಬಗ್ಗೆಯೂ ಮೋದಿ ಕೊಂಡಾಡಿದ್ದಾರೆ. ಬಹುಶಃ ಆ ಕ್ಯಾಚ್ ಹಿಡಿಯುವಾಗ ನಿಮ್ಮ ಕಣ್ಣಲ್ಲಿ ಟ್ರೋಫಿ ಇದ್ದಿರಬಹುದು ಎಂದು ತಮಾಷೆ ಮಾಡಿದ್ದಾರೆ.

ಇನ್ನು, ಬೌಲರ್ ಕ್ರಾಂತಿ ಗೌಡ್ ನನ್ನ ಸಹೋದರ ನಿಮ್ಮ ದೊಡ್ಡ ಫ್ಯಾನ್ ಎಂದು ಹೇಳಿದ್ದಾರೆ. ಇದಕ್ಕೆ ಒಂದು ದಿನ ಅವರನ್ನು ಭೇಟಿ ಮಾಡುವುದಾಗಿ ಭರವಸೆ ನೀಡಿದ್ದಾರೆ. ಇದಲ್ಲದೆ ಈ ವೇಳೆ ಕ್ರಿಕೆಟಿಗರಿಗೆ ಫಿಟ್ ಇಂಡಿಯಾ ಅಭಿಯಾನವನ್ನು ಪ್ರಚುರಪಡಿಸುವಂತೆ ಕೇಳಿಕೊಂಡಿದ್ದಾರೆ. ಅಲ್ಲದೆ, ಬೊಜ್ಜಿನ ಸಮಸ್ಯೆ ಬಗ್ಗೆ, ಹೇಗೆ ಫಿಟ್ ಆಗಿರಬೇಕು ಎಂಬುದರ ಬಗ್ಗೆ ಮಾತನಾಡಿದ್ದಾರೆ. ಅಲ್ಲದೆ ನೀವೆಲ್ಲರೂ ನಿಮ್ಮ ಶಾಲೆಗಳಿಗೆ ಹೋಗಿ ಮಕ್ಕಳಿಗೆ ಸ್ಪೂರ್ತಿ ತುಂಬಿ ಎಂದು ಸಲಹೆ ನೀಡಿದ್ದಾರೆ.