ವಿಶ್ವಕಪ್ ಟ್ರೋಫಿ ಮೇಲೆ ಕಾಲಿಟ್ಟಿದ್ದ ಮಿಚೆಲ್ ಮಾರ್ಷ್ ಆಸ್ಟ್ರೇಲಿಯಾ ಮುಂದಿನ ನಾಯಕ?

ನವದೆಹಲಿ: ವಿಶ್ವಕಪ್ ಫೈನಲ್ ಗೆಲುವಿನ ಬಳಿಕ ಗೆದ್ದ ಟ್ರೋಫಿ ಮೇಲೆ ಕಾಲಿಟ್ಟು ದರ್ಪ ತೋರಿದ್ದ ಅದೇ ಮಿಚೆಲ್ ಮಾರ್ಷ್ ಆಸ್ಟ್ರೇಲಿಯಾದ ಮುಂದಿನ ನಾಯಕ ಎಂಬ ಮಾತು ಕೇಳಿಬರುತ್ತಿದೆ.

ಮುಂದಿನ ವರ್ಷ ಜೂನ್ ನಲ್ಲಿ ಅಮೆರಿಕಾದಲ್ಲಿ ಟಿ20 ವಿಶ್ವಕಪ್ ನಡೆಯಲಿದೆ. ಈ ವಿಶ್ವಕಪ್ ನಲ್ಲಿ ಆಸ್ಟ್ರೇಲಿಯಾ ತಂಡಕ್ಕೆ ಮಿಚೆಲ್ ಮಾರ್ಷ್ ನಾಯಕರಾಗಲಿದ್ದಾರೆ ಎಂಬ ಮಾತು ಕೇಳಿಬರುತ್ತಿದೆ.

ಆಸ್ಟ್ರೇಲಿಯಾದ ಅನುಭವಿ ಬ್ಯಾಟಿಗ ಮಿಚೆಲ್ ಮಾರ್ಷ್ ಈ ಬಾರಿ ವಿಶ್ವಕಪ್ ನಲ್ಲೂ ಉತ್ತಮ ಪ್ರದರ್ಶನ ನೀಡಿದ್ದರು. ಹೀಗಾಗಿ ಅವರನ್ನೇ ಭವಿಷ್ಯದ ನಾಯಕನಾಗಿ ಮಾಡುವ ಸಾಧ‍್ಯತೆಯಿದೆ.

ಏಕದಿನ ವಿಶ್ವಕಪ್ ಗೆದ್ದ ಬಳಿಕ ದರ್ಪದ ವರ್ತನೆ ತೋರಿದ್ದಕ್ಕೆ ಮಿಚೆಲ್ ಮೇಲೆ ಭಾರತೀಯ ಫ್ಯಾನ್ಸ್ ಸಿಟ್ಟಾಗಿದ್ದರು. ಈ ದುರಂಹಕಾರ ಒಳ್ಳೆಯದಲ್ಲ. ಮುಂದೊಂದು ದಿನ ಅನುಭವಿಸುತ್ತೀರಿ ಎಂದು ಹಿಡಿಶಾಪ ಹಾಕಿದ್ದರು. ಇದೀಗ ಅದೇ ಮಿಚೆಲ್ ಮುಂದೆ ಆಸೀಸ್ ನಾಯಕನಾದರೆ ಭಾರತೀಯ ಅಭಿಮಾನಿಗಳ ಆವೇಶವೂ ಹೆಚ್ಚಾಗಲಿದೆ.