ಸೆಂಚೂರಿಯನ್: ಭಾರತ ಮತ್ತು ದ.ಆಫ್ರಿಕಾ ನಡುವೆ ನಡೆಯುತ್ತಿರುವ ಮೊದಲ ಟೆಸ್ಟ್ ಪಂದ್ಯದಲ್ಲಿ ಟೀಂ ಇಂಡಿಯಾ ಬ್ಯಾಟ್ಸ್ ಮನ್ ಮಯಾಂಕ್ ಅಗರ್ವಾಲ್ ವಿವಾದಾತ್ಮಕ ಅಂಪಾಯರಿಂಗ್ ಗೆ ಬಲಿಯಾಗಿದ್ದಾರೆ.
60 ರನ್ ಗಳಿಸಿದ್ದಾಗ ಮಯಾಂಕ್ ನಿಗಿಡಿ ಬೌಲಿಂಗ್ ನಲ್ಲಿ ಎಲ್ ಬಿಡಬ್ಲ್ಯು ಆಗಿದ್ದರು. ಪ್ಯಾಡ್ ಗೆ ತಗುಲಿದ ಬಾಲ್ ಕೊಂಚ ಲೆಗ್ ಸೈಡ್ ಕಡೆಗೆ ಸಾಗುತ್ತಿತ್ತು. ಹೀಗಾಗಿ ಮೈದಾನದ ಅಂಪಾಯರ್ ನಾಟೌಟ್ ತೀರ್ಪು ನೀಡಿದ್ದರು. ಆದರೆ ಆಫ್ರಿಕನ್ನರು ರಿವ್ಯೂ ಬಳಸಿದರು. ಈ ವೇಳೆ ಥರ್ಡ್ ಅಂಪಾಯರ್ ಔಟ್ ತೀರ್ಪು ನೀಡಿದರು. ಇದು ಮಯಾಂಕ್ ಸೇರಿದಂತೆ ಇಡೀ ಟೀಂ ಇಂಡಿಯಾಗೆ ಅಸಮಾಧಾನವುಂಟು ಮಾಡಿತ್ತು.
ಭಾರತೀಯ ಅಭಿಮಾನಿಗಳೂ ಸಾಮಾಜಿಕ ಜಾಲತಾಣದ ಮೂಲಕ ಈ ಕಳಪೆ ಅಂಪಾಯರಿಂಗ್ ವಿರುದ್ಧ ಆಕ್ರೋಶ ವ್ಯಕ್ತಪಡಿಸಿದ್ದಾರೆ.
