ಲಿಯೋನೆಲ್ ಮೆಸ್ಸಿ ತಂದೆ ಜಾರ್ಜ್‌ ನಿಧನ

Photo Courtesy X

ಲಿಯೋನೆಲ್ ಮೆಸ್ಸಿ ಅವರ ತಂದೆ ಜಾರ್ಜ್, ದೀರ್ಘಕಾಲದ ಅನಾರೋಗ್ಯದ ನಂತರ ತಮ್ಮ 68ನೇ ವಯಸ್ಸಿನಲ್ಲಿ ನಿಧನರಾದರು.

ಜಾರ್ಜ್ ಅವರು ಮೆಸ್ಸಿ ಅವರ ಹುಟ್ಟೂರಾದ ರೊಸಾರಿಯೊದಲ್ಲಿ ನಿಧನರಾದರು. ಅರ್ಜೆಂಟೀನಾದ ವರದಿಗಳ ಪ್ರಕಾರ, ದೀರ್ಘಕಾಲದ ಅನಾರೋಗ್ಯಕ್ಕೆ ಚಿಕಿತ್ಸೆ ಪಡೆಯುತ್ತಿದ್ದ ಕ್ಲಿನಿಕ್‌ನಲ್ಲಿ ಶುಕ್ರವಾರ ರಾತ್ರಿ 10 ಗಂಟೆಗೆ (ಸ್ಥಳೀಯ ಸಮಯ) ಮೆಸ್ಸಿ ಅವರ ತಂದೆ ಕೊನೆಯುಸಿರೆಳೆದರು.

ಮೆಸ್ಸಿ ಅವರ ಬಾಲ್ಯದ ಕ್ಲಬ್ ಆದ 'ನ್ಯೂವೆಲ್ಸ್ ಓಲ್ಡ್ ಬಾಯ್ಸ್', ಶನಿವಾರ ಅಧಿಕೃತ ಹೇಳಿಕೆಯ ಮೂಲಕ ಅರ್ಜೆಂಟೀನಾದ ಸೂಪರ್‌ಸ್ಟಾರ್‌ನ ತಂದೆಯ ನಿಧನದ ಸುದ್ದಿಯನ್ನು ಖಚಿತಪಡಿಸಿತು. 

ಮೆಸ್ಸಿ ಅವರ ತಂದೆಯ ನಿಧನದ ಸುದ್ದಿಯನ್ನು ಮೊದಲು ಅರ್ಜೆಂಟೀನಾದ ಸುದ್ದಿ ಮಾಧ್ಯಮಗಳು ವರದಿ ಮಾಡಿದವು. ನಂತರ ಮೆಸ್ಸಿ ಅವರ ಬಾಲ್ಯದ ಕ್ಲಬ್ ಆದ 'ನ್ಯೂವೆಲ್ಸ್ ಓಲ್ಡ್ ಬಾಯ್ಸ್' ಮತ್ತು ಲಿಯೋನೆಲ್ ಮೆಸ್ಸಿ ಅವರ ಜನ್ಮಸ್ಥಳವೂ ಆಗಿರುವ ರೊಸಾರಿಯೊ ನಗರದ ಫುಟ್‌ಬಾಲ್ ಕ್ಲಬ್ 'ಕ್ಲಬ್ ಅಟ್ಲೆಟಿಕೊ ರೊಸಾರಿಯೊ ಸೆಂಟ್ರಲ್' ಅವರಿಂದ ಶ್ರದ್ಧಾಂಜಲಿಗಳು ವ್ಯಕ್ತವಾದವು.