ಮುಂಬೈ: ಇತ್ತೀಚೆಗಿನ ದಿನಗಳಲ್ಲಿ ಕ್ರಿಕೆಟಿಗರಿಗೆ ದೇಶದ ಪರ ಆಡುವುದಕ್ಕಿಂತ ಐಪಿಎಲ್ ಆಡುವುದರಲ್ಲಿಯೇ ಆಸಕ್ತಿ ಜಾಸ್ತಿ ಎಂಬ ಟೀಕೆಗಳಿಗೆ ಲಕ್ನೋ ನಾಯಕ ಕೆಎಲ್ ರಾಹುಲ್ ಪ್ರತಿಕ್ರಿಯಿಸಿದ್ದಾರೆ.
ಮಾಜಿ ಕೋಚ್ ರವಿಶಾಸ್ತ್ರಿ ಐಪಿಎಲ್ ಬಂದೊಡನೆ ಆಟಗಾರರ ಗಾಯ ಮಾಯವಾಗುತ್ತದೆ ಎಂಬರ್ಥದಲ್ಲಿ ವ್ಯಂಗ್ಯ ಮಾಡಿದ್ದರು. ಇನ್ನು, ಕೆಲವರು ಆಟಗಾರರು ಐಪಿಎಲ್ ಗಾಗಿ ದೇಶದ ಪರ ಆಡುವುದನ್ನೂ ತಪ್ಪಿಸಿಕೊಳ್ಳುತ್ತಿದ್ದಾರೆ ಎಂದು ಟೀಕಿಸಿದ್ದರು.
ಇದಕ್ಕೆಲ್ಲಾ ಉತ್ತರಿಸಿರುವ ಕೆಎಲ್ ರಾಹುಲ್ ‘ಯಾವ ಯುವ ಆಟಗಾರನೂ ದೇಶಕ್ಕಾಗಿ ಆಡುವ ಅವಕಾಶವನ್ನು ಐಪಿಎಲ್ ಗಾಗಿ ತ್ಯಾಗ ಮಾಡಲ್ಲ. ಯಾವುದೇ ಕೂಟವಿರಲಿ, ಕ್ರಿಕೆಟ್ ಆಡುವುದನ್ನು ಪ್ರೀತಿಸುವುದೇ ಕ್ರಿಕೆಟಿಗನ ಲಕ್ಷಣ’ ಎಂದಿದ್ದಾರೆ.
