ವಿರಾಟ್ ಕೊಹ್ಲಿ ಆರ್ಭಟವನ್ನ ತಡೆದರೆ ನಮ್ಮ ಯಶಸ್ಸು ಸುಲಭ: ಸ್ಟೀವನ್ ಸ್ಮಿತ್

ಟೀಮ್ ಇಂಡಿಯಾ ಕ್ಯಾಪ್ಟನ್ ವಿರಾಟ್ ಕೊಹ್ಲಿ ಅವರನ್ನ ತಡೆದರೆ ಸರಣಿಯಲ್ಲಿ ನಮ್ಮ ಯಶಸ್ಸು ಖಂಡಿತಾ ಎಂದು ಆಸ್ಟ್ರೇಲಿಯಾ ನಾಯಕ ಸ್ಟೀವನ್ ಸ್ಮಿತ್ ಹೇಳಿದ್ದಾರೆ.

ಭಾರತ ವಿರುದ್ಧದ ಸರಣಿ ಬಗ್ಗೆ ಮಾತನಾಡಿದ ಸ್ಟೀವನ್ ಸ್ಮಿತ್,  ಕೊಹ್ಲಿಯೊಂದಿಗಿನ ಭಿನ್ನಾಭಿಪ್ರಾಯಗಳ ಬಗ್ಗೆ ನಾನು ಹೆಚ್ಚು ತಲೆಕೆಡಿಸಿಕೊಳ್ಳುವಂತಿಲ್ಲ.  ವಿರಾಟ್ ಕೊಹ್ಲಿ ಒಬ್ಬ ಅತ್ಯುತ್ತಮ ಆಟಗಾರ ಮತ್ತು ಅದ್ಭುತ ಏಕದಿನ ದಾಖಲೆಯನ್ನು ಹೊಂದಿದ್ದಾರೆ. ಈ ಸರಣಿಯಲ್ಲಿ ನಾವು ಎಷ್ಟು ಸಾಧ್ಯವೋ ಅಷ್ಟು ವಿರಾಟ್ ಕೊಹ್ಲಿ ಅವರನ್ನ ನಿರ್ಬಂಧಿಸಿದರೆ ನಾವು ಯಶಸ್ಸು ಸಾಧಿಸಬಹುದು ಎಂದು ಅವರು ಹೇಳಿದ್ದಾರೆ.

ಒಳ್ಳೆಯ ಕ್ರೀಡಾ ಸ್ಫೂರ್ತಿಯಿಂದ ಆಡುತ್ತೇವೆ. ಭಾರತದ ವಿರುದ್ಧ ಆಡುವುದು ನಿಜಕ್ಕೂ ಸವಾಲಿನ ಸಂಗತಿ. 2013ರಲ್ಲಿ ಭಾರತ ವಿರುದ್ಧ ನಡೆದ ಏಕದಿನ ಪ್ರವಾಸ ನಿಜಕ್ಕೂ ರನ್`ಗಳ ಹಬ್ಬವಾಗಿತ್ತು. ಅತ್ಯಧಿಕ ಸ್ಕೋರ್ ಮೂಲಕ ಪಂದ್ಯಗಳು ಗಮನ ಸೆಳೆದಿದ್ವುೇ ಇತಿಹಾಸ ಮರುಕಳಿಸುವ ಸಾಧ್ಯತೆ ಇದೆ ಎಂದು ಸ್ಮಿತ್ ಹೇಳಿದ್ದಾರೆ.

ಟೆಸ್ಟ್ ಕ್ರಿಕೆಟ್`ಗೆ ಹೋಲಿಸಿದರೆ ಏಕದಿನ ಸರಣಿ ವಿಭಿನ್ನವಾದದ್ದು. ಅಕ್ಷರ್ ಪಟೇಲ್ ಮತ್ತು ಯಜುವೇಂದ್ರ ಚಾಹಲ್ ಉತ್ತಮ ಪ್ರದರ್ಶನ ನೀಡಿದ್ದಾರೆ. ಕುಲದೀಪ್ ಯಾದವ್ ಸಹ ಅತ್ಯುತ್ತಮ ಬೌಲರ್. ಭಾರತದ ಬಳಿ ಒಳ್ಳೆಯ ಸ್ಪಿನ್ ಆಯ್ಕೆ ಇದೆ ಎಂದು ಸ್ಮಿತ್ ಅಭಿಪ್ರಾಯಪಟ್ಟಿದ್ದಾರೆ.

ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ